๑-๖. ปฏิจฺจวาราทิ

ปจฺจยจตุกฺกํ

เหตุ-อารมฺมณปจฺจยา

๑๕๓. เสกฺขํ นเหตุํ ธมฺมํ ปฏิจฺจ เสกฺโข นเหตุ ธมฺโม อุปฺปชฺชติ เหตุปจฺจยา. เสกฺขํ นเหตุํ ธมฺมํ ปฏิจฺจ เนวเสกฺขนาเสกฺโข นเหตุ ธมฺโม อุปฺปชฺชติ เหตุปจฺจยา. เสกฺขํ นเหตุํ ธมฺมํ ปฏิจฺจ เสกฺโข นเหตุ จ เนวเสกฺขนาเสกฺโข นเหตุ จ ธมฺมา อุปฺปชฺชนฺติ เหตุปจฺจยา. (๓)

อเสกฺขํ นเหตุํ ธมฺมํ ปฏิจฺจ อเสกฺโข นเหตุ ธมฺโม อุปฺปชฺชติ เหตุปจฺจยา… ตีณิ.

เนวเสกฺขนาเสกฺขํ นเหตุํ ธมฺมํ ปฏิจฺจ เนวเสกฺขนาเสกฺโข นเหตุ ธมฺโม อุปฺปชฺชติ เหตุปจฺจยา. (๑)

เสกฺขํ นเหตุญฺจ เนวเสกฺขนาเสกฺขํ นเหตุญฺจ ธมฺมํ ปฏิจฺจ เนวเสกฺขนาเสกฺโข นเหตุ ธมฺโม อุปฺปชฺชติ เหตุปจฺจยา. (๑)

อเสกฺขํ นเหตุญฺจ เนวเสกฺขนาเสกฺขํ นเหตุญฺจ ธมฺมํ ปฏิจฺจ เนวเสกฺขนาเสกฺโข นเหตุ ธมฺโม อุปฺปชฺชติ เหตุปจฺจยา. (๑)

๑๕๔. เสกฺขํ นเหตุํ ธมฺมํ ปฏิจฺจ เสกฺโข นเหตุ ธมฺโม อุปฺปชฺชติ อารมฺมณปจฺจยา. (๑)

อเสกฺขํ นเหตุํ ธมฺมํ ปฏิจฺจ อเสกฺโข นเหตุ ธมฺโม อุปฺปชฺชติ อารมฺมณปจฺจยา. (๑)

เนวเสกฺขนาเสกฺขํ นเหตุํ ธมฺมํ ปฏิจฺจ เนวเสกฺขนาเสกฺโข นเหตุ ธมฺโม อุปฺปชฺชติ อารมฺมณปจฺจยา. (๑) (สํขิตฺตํ.)

เหตุยา นว, อารมฺมเณ ตีณิ, อธิปติยา นว…เป… อาเสวเน เทฺว…เป… อวิคเต นว (สํขิตฺตํ).

ปจฺจนียํ

นเหตุปจฺจโย

๑๕๕. เนวเสกฺขนาเสกฺขํ นเหตุํ ธมฺมํ ปฏิจฺจ เนวเสกฺขนาเสกฺโข นเหตุ ธมฺโม อุปฺปชฺชติ นเหตุปจฺจยา (สํขิตฺตํ).

นเหตุยา เอกํ, นอารมฺมเณ ปญฺจ, นอธิปติยา ตีณิ…เป… โนวิคเต ปญฺจ (สํขิตฺตํ).

เหตุปจฺจยา นอารมฺมเณ ปญฺจ (สํขิตฺตํ).

นเหตุปจฺจยา อารมฺมเณ เอกํ (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํ.)