๗. ปญฺหาวาโร

ปจฺจยจตุกฺกํ

๑๕๖. เสกฺโข นเหตุ ธมฺโม เนวเสกฺขนาเสกฺขสฺส นเหตุสฺส ธมฺมสฺส อารมฺมณปจฺจเยน ปจฺจโย. (๑)

อเสกฺโข นเหตุ ธมฺโม เนวเสกฺขนาเสกฺขสฺส นเหตุสฺส ธมฺมสฺส อารมฺมณปจฺจเยน ปจฺจโย. (๑)

เนวเสกฺขนาเสกฺโข นเหตุ ธมฺโม เนวเสกฺขนาเสกฺขสฺส นเหตุสฺส ธมฺมสฺส อารมฺมณปจฺจเยน ปจฺจโย. เนวเสกฺขนาเสกฺโข นเหตุ ธมฺโม เสกฺขสฺส นเหตุสฺส ธมฺมสฺส อารมฺมณปจฺจเยน ปจฺจโย. เนวเสกฺขนาเสกฺโข นเหตุ ธมฺโม อเสกฺขสฺส นเหตุสฺส ธมฺมสฺส อารมฺมณปจฺจเยน ปจฺจโย. (๓)

เสกฺโข นเหตุ ธมฺโม เสกฺขสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิ.

อเสกฺโข นเหตุ ธมฺโม อเสกฺขสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิ.

เนวเสกฺขนาเสกฺโข นเหตุ ธมฺโม เนวเสกฺขนาเสกฺขสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิ (สํขิตฺตํ).

๑๕๗. อารมฺมเณ ปญฺจ, อธิปติยา นว, อนนฺตเร อฏฺฐ, สมนนฺตเร อฏฺฐ, สหชาเต นว, อญฺญมญฺเญ ตีณิ, นิสฺสเย เตรส, อุปนิสฺสเย อฏฺฐ…เป… อวิคเต เตรส (สํขิตฺตํ).

นเหตุยา จุทฺทส, นอารมฺมเณ จุทฺทส (สํขิตฺตํ).

อารมฺมณปจฺจยา นเหตุยา ปญฺจ (สํขิตฺตํ).

นเหตุปจฺจยา อารมฺมเณ ปญฺจ (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)