๑-๗. ปฏิจฺจวาราทิ
ปจฺจยจตุกฺกํ
เหตุปจฺจโย
๑๓๒. อาจยคามึ เหตุํ ธมฺมํ ปฏิจฺจ อาจยคามี เหตุ ธมฺโม อุปฺปชฺชติ เหตุปจฺจยา. (๑)
อปจยคามึ เหตุํ ธมฺมํ ปฏิจฺจ อปจยคามี เหตุ ธมฺโม อุปฺปชฺชติ เหตุปจฺจยา. (๑)
เนวาจยคามินาปจยคามึ เหตุํ ธมฺมํ ปฏิจฺจ เนวาจยคามินาปจยคามี เหตุ ธมฺโม อุปฺปชฺชติ เหตุปจฺจยา. (๑) (สํขิตฺตํ.)
๑๓๓. เหตุยา ตีณิ, อารมฺมเณ ตีณิ, อธิปติยา ตีณิ (สพฺพตฺถ ตีณิ).
นอธิปติยา ตีณิ, นอาเสวเน เทฺว, นวิปาเก ตีณิ, นวิปฺปยุตฺเต ตีณิ (สํขิตฺตํ).
เหตุปจฺจยา นอธิปติยา ตีณิ (สํขิตฺตํ).
นอธิปติปจฺจยา เหตุยา ตีณิ (สํขิตฺตํ).
(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํ.)
เหตุอารมฺมณปจฺจยาทิ
๑๓๔. อาจยคามี เหตุ ธมฺโม อาจยคามิสฺส เหตุสฺส ธมฺมสฺส เหตุปจฺจเยน ปจฺจโย. (๑)
อปจยคามี เหตุ ธมฺโม อปจยคามิสฺส เหตุสฺส ธมฺมสฺส เหตุปจฺจเยน ปจฺจโย. (๑)
เนวาจยคามินาปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส เหตุปจฺจเยน ปจฺจโย. (๑)
อาจยคามี เหตุ ธมฺโม อาจยคามิสฺส เหตุสฺส ธมฺมสฺส อารมฺมณปจฺจเยน ปจฺจโย. อาจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อารมฺมณปจฺจเยน ปจฺจโย. (๒)
อปจยคามี เหตุ ธมฺโม อาจยคามิสฺส เหตุสฺส ธมฺมสฺส อารมฺมณปจฺจเยน ปจฺจโย. อปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อารมฺมณปจฺจเยน ปจฺจโย. (๒)
เนวาจยคามินาปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อารมฺมณปจฺจเยน ปจฺจโย. เนวาจยคามินาปจยคามี เหตุ ธมฺโม อาจยคามิสฺส เหตุสฺส ธมฺมสฺส อารมฺมณปจฺจเยน ปจฺจโย. (๒)
๑๓๕. อาจยคามี เหตุ ธมฺโม อาจยคามิสฺส เหตุสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ. (๑)
อปจยคามี เหตุ ธมฺโม อปจยคามิสฺส เหตุสฺส ธมฺมสฺส อธิปติปจฺจเยน ปจฺจโย – สหชาตาธิปติ…. อปจยคามี เหตุ ธมฺโม อาจยคามิสฺส เหตุสฺส ธมฺมสฺส อธิปติปจฺจเยน ปจฺจโย. อปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อธิปติปจฺจเยน ปจฺจโย – อารมฺมณาธิปติ…. (๓)
เนวาจยคามินาปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อธิปติปจฺจเยน ปจฺจโย. เนวาจยคามินาปจยคามี เหตุ ธมฺโม อาจยคามิสฺส เหตุสฺส ธมฺมสฺส อธิปติปจฺจเยน ปจฺจโย.
๑๓๖. อาจยคามี เหตุ ธมฺโม อาจยคามิสฺส เหตุสฺส ธมฺมสฺส อนนฺตรปจฺจเยน ปจฺจโย. อาจยคามี เหตุ ธมฺโม อปจยคามิสฺส เหตุสฺส ธมฺมสฺส อนนฺตรปจฺจเยน ปจฺจโย. อาจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อนนฺตรปจฺจเยน ปจฺจโย. (๓)
อปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อนนฺตรปจฺจเยน ปจฺจโย. (๑)
เนวาจยคามินาปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อนนฺตรปจฺจเยน ปจฺจโย. (๑) (สํขิตฺตํ.)
๑๓๗. เหตุยา ตีณิ, อารมฺมเณ ฉ, อธิปติยา ฉ, อนนฺตเร ปญฺจ, สมนนฺตเร ปญฺจ, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย อฏฺฐ, อาเสวเน ตีณิ, วิปาเก เอกํ…เป… อวิคเต ตีณิ (สํขิตฺตํ).
นเหตุยา อฏฺฐ, นอารมฺมเณ อฏฺฐ (สํขิตฺตํ).
เหตุปจฺจยา นอารมฺมเณ ตีณิ (สํขิตฺตํ).
นเหตุปจฺจยา อารมฺมเณ ฉ (สํขิตฺตํ).
(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)