๑-๖. ปฏิจฺจวาราทิ

ปจฺจยจตุกฺกํ

เหตุ-อารมฺมณปจฺจยา

๑๓๘. อาจยคามึ นเหตุํ ธมฺมํ ปฏิจฺจ อาจยคามี นเหตุ ธมฺโม อุปฺปชฺชติ เหตุปจฺจยา. อาจยคามึ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยา. อาจยคามึ นเหตุํ ธมฺมํ ปฏิจฺจ อาจยคามี นเหตุ จ เนวาจยคามินาปจยคามี นเหตุ จ ธมฺมา อุปฺปชฺชนฺติ เหตุปจฺจยา. (๓)

อปจยคามึ นเหตุํ ธมฺมํ ปฏิจฺจ อปจยคามี นเหตุ ธมฺโม อุปฺปชฺชติ เหตุปจฺจยา. อปจยคามึ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยา. อปจยคามึ นเหตุํ ธมฺมํ ปฏิจฺจ อปจยคามี นเหตุ จ เนวาจยคามินาปจยคามี นเหตุ จ ธมฺมา อุปฺปชฺชนฺติ เหตุปจฺจยา. (๓)

เนวาจยคามินาปจยคามึ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยา. (๑)

อาจยคามึ นเหตุญฺจ เนวาจยคามินาปจยคามึ นเหตุญฺจ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยา. (๑)

อปจยคามึ นเหตุญฺจ เนวาจยคามินาปจยคามึ นเหตุญฺจ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยา. (๑)

๑๓๙. อาจยคามึ นเหตุํ ธมฺมํ ปฏิจฺจ อาจยคามี นเหตุ ธมฺโม อุปฺปชฺชติ อารมฺมณปจฺจยา. (๑)

อปจยคามึ นเหตุํ ธมฺมํ ปฏิจฺจ อปจยคามี นเหตุ ธมฺโม อุปฺปชฺชติ อารมฺมณปจฺจยา. (๑)

เนวาจยคามินาปจยคามึ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ อารมฺมณปจฺจยา. (๑) (สํขิตฺตํ.)

เหตุยา นว, อารมฺมเณ ตีณิ, อธิปติยา นว…เป… อวิคเต นว (สํขิตฺตํ).

นเหตุ-นอารมฺมณปจฺจยา

๑๔๐. เนวาจยคามินาปจยคามึ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ นเหตุปจฺจยา. (๑)

อาจยคามึ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ นอารมฺมณปจฺจยา (สํขิตฺตํ).

๑๔๑. นเหตุยา เอกํ, นอารมฺมเณ ปญฺจ, นอธิปติยา ฉ…เป… โนวิคเต ปญฺจ (สํขิตฺตํ).

เหตุปจฺจยา นอารมฺมเณ ปญฺจ (สํขิตฺตํ).

นเหตุปจฺจยา อารมฺมเณ เอกํ (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ วิตฺถาเรพฺพํ.)