๑-๖. ปฏิจฺจวาราทิ

ปจฺจยจตุกฺกํ

เหตุ-อารมฺมณปจฺจยา

๑๑๘. ทสฺสเนน ปหาตพฺพํ นเหตุํ ธมฺมํ ปฏิจฺจ ทสฺสเนน ปหาตพฺโพ นเหตุ ธมฺโม อุปฺปชฺชติ เหตุปจฺจยา. ทสฺสเนน ปหาตพฺพํ นเหตุํ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ เหตุปจฺจยา. ทสฺสเนน ปหาตพฺพํ นเหตุํ ธมฺมํ ปฏิจฺจ ทสฺสเนน ปหาตพฺโพ นเหตุ จ เนวทสฺสเนน นภาวนาย ปหาตพฺโพ นเหตุ จ ธมฺมา อุปฺปชฺชนฺติ เหตุปจฺจยา… ตีณิ.

ภาวนาย ปหาตพฺพํ นเหตุํ ธมฺมํ ปฏิจฺจ ภาวนาย ปหาตพฺโพ นเหตุ ธมฺโม อุปฺปชฺชติ เหตุปจฺจยา. ภาวนาย ปหาตพฺพํ นเหตุํ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ เหตุปจฺจยา. ภาวนาย ปหาตพฺพํ นเหตุํ ธมฺมํ ปฏิจฺจ ภาวนาย ปหาตพฺโพ นเหตุ จ เนวทสฺสเนน นภาวนาย ปหาตพฺโพ นเหตุ จ ธมฺมา อุปฺปชฺชนฺติ เหตุปจฺจยา… ตีณิ.

เนวทสฺสเนน นภาวนาย ปหาตพฺพํ นเหตุํ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ เหตุปจฺจยา. (๑)

ทสฺสเนน ปหาตพฺพํ นเหตุญฺจ เนวทสฺสเนน นภาวนาย ปหาตพฺพํ นเหตุญฺจ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ เหตุปจฺจยา. (๑)

ภาวนาย ปหาตพฺพํ นเหตุญฺจ เนวทสฺสเนน นภาวนาย ปหาตพฺพํ นเหตุญฺจ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ เหตุปจฺจยา. (๑)

ทสฺสเนน ปหาตพฺพํ นเหตุํ ธมฺมํ ปฏิจฺจ ทสฺสเนน ปหาตพฺโพ นเหตุ ธมฺโม อุปฺปชฺชติ อารมฺมณปจฺจยา. (๑)

ภาวนาย ปหาตพฺพํ นเหตุํ ธมฺมํ ปฏิจฺจ ภาวนาย ปหาตพฺโพ นเหตุ ธมฺโม อุปฺปชฺชติ อารมฺมณปจฺจยา. (๑)

เนวทสฺสเนน นภาวนาย ปหาตพฺพํ นเหตุํ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ อารมฺมณปจฺจยา (สํขิตฺตํ).

๑๑๙. เหตุยา นว, อารมฺมเณ ตีณิ, อธิปติยา นว…เป… อวิคเต นว (สํขิตฺตํ).

นเหตุ-นอารมฺมณปจฺจยา

๑๒๐. เนวทสฺสเนน นภาวนาย ปหาตพฺพํ นเหตุํ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ นเหตุปจฺจยา.

ทสฺสเนน ปหาตพฺพํ นเหตุํ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ นอารมฺมณปจฺจยา. (๑)

ภาวนาย ปหาตพฺพํ นเหตุํ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ นอารมฺมณปจฺจยา. (๑)

เนวทสฺสเนน นภาวนาย ปหาตพฺพํ นเหตุํ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ นอารมฺมณปจฺจยา. (๑)

ทสฺสเนน ปหาตพฺพํ นเหตุญฺจ เนวทสฺสเนน นภาวนาย ปหาตพฺพํ นเหตุญฺจ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ นอารมฺมณปจฺจยา. (๑)

ภาวนาย ปหาตพฺพํ นเหตุญฺจ เนวทสฺสเนน นภาวนาย ปหาตพฺพํ นเหตุญฺจ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ นอารมฺมณปจฺจยา. (๑) (สํขิตฺตํ.)

๑๒๑. นเหตุยา เอกํ, นอารมฺมเณ ปญฺจ, นอธิปติยา นว…เป… โนวิคเต ปญฺจ (สํขิตฺตํ).

เหตุปจฺจยา นอารมฺมเณ ปญฺจ (สํขิตฺตํ).

นเหตุปจฺจยา อารมฺมเณ เอกํ (สํขิตฺตํ).

(สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํ.)