๗. ปญฺหาวาโร

ปจฺจยจตุกฺกํ

๑๒๒. ทสฺสเนน ปหาตพฺโพ นเหตุ ธมฺโม ทสฺสเนน ปหาตพฺพสฺส นเหตุสฺส ธมฺมสฺส อารมฺมณปจฺจเยน ปจฺจโย. ทสฺสเนน ปหาตพฺโพ นเหตุ ธมฺโม เนวทสฺสเนน นภาวนาย ปหาตพฺพสฺส นเหตุสฺส ธมฺมสฺส อารมฺมณปจฺจเยน ปจฺจโย… เทฺว.

ภาวนาย ปหาตพฺโพ นเหตุ ธมฺโม ภาวนาย ปหาตพฺพสฺส นเหตุสฺส ธมฺมสฺส อารมฺมณปจฺจเยน ปจฺจโย… ตีณิ.

เนวทสฺสเนน นภาวนาย ปหาตพฺโพ นเหตุ ธมฺโม เนวทสฺสเนน นภาวนาย ปหาตพฺพสฺส นเหตุสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ).

๑๒๓. อารมฺมเณ อฏฺฐ, อธิปติยา ทส…เป… อวิคเต เตรส (สํขิตฺตํ).

นเหตุยา จุทฺทส, นอารมฺมเณ จุทฺทส (สํขิตฺตํ).

อารมฺมณปจฺจยา นเหตุยา อฏฺฐ (สํขิตฺตํ).

นเหตุปจฺจยา อารมฺมเณ อฏฺฐ (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)