๗. ปญฺหาวาโร

ปจฺจยจตุกฺกํ

เหตุอารมฺมณปจฺจยาทิ

๑๐๔. ปีติสหคโต เหตุ ธมฺโม ปีติสหคตสฺส เหตุสฺส ธมฺมสฺส เหตุปจฺจเยน ปจฺจโย… ตีณิ.

สุขสหคโต เหตุ ธมฺโม สุขสหคตสฺส เหตุสฺส ธมฺมสฺส เหตุปจฺจเยน ปจฺจโย… ตีณิ.

อุเปกฺขาสหคโต เหตุ ธมฺโม อุเปกฺขาสหคตสฺส เหตุสฺส ธมฺมสฺส เหตุปจฺจเยน ปจฺจโย… เอกํ.

ปีติสหคโต เหตุ จ สุขสหคโต เหตุ จ ธมฺมา ปีติสหคตสฺส เหตุสฺส ธมฺมสฺส เหตุปจฺจเยน ปจฺจโย… ตีณิ.

๑๐๕. ปีติสหคโต เหตุ ธมฺโม ปีติสหคตสฺส เหตุสฺส ธมฺมสฺส อารมฺมณปจฺจเยน ปจฺจโย. ปีติสหคโต เหตุ ธมฺโม สุขสหคตสฺส เหตุสฺส ธมฺมสฺส อารมฺมณปจฺจเยน ปจฺจโย. ปีติสหคโต เหตุ ธมฺโม อุเปกฺขาสหคตสฺส เหตุสฺส ธมฺมสฺส อารมฺมณปจฺจเยน ปจฺจโย. ปีติสหคโต เหตุ ธมฺโม ปีติสหคตสฺส เหตุสฺส จ สุขสหคตสฺส เหตุสฺส จ ธมฺมสฺส อารมฺมณปจฺจเยน ปจฺจโย… จตฺตาริ.

สุขสหคโต เหตุ ธมฺโม สุขสหคตสฺส เหตุสฺส ธมฺมสฺส อารมฺมณปจฺจเยน ปจฺจโย. สุขสหคโต เหตุ ธมฺโม ปีติสหคตสฺส เหตุสฺส ธมฺมสฺส อารมฺมณปจฺจเยน ปจฺจโย. สุขสหคโต เหตุ ธมฺโม อุเปกฺขาสหคตสฺส เหตุสฺส ธมฺมสฺส อารมฺมณปจฺจเยน ปจฺจโย. สุขสหคโต เหตุ ธมฺโม ปีติสหคตสฺส เหตุสฺส จ สุขสหคตสฺส เหตุสฺส จ ธมฺมสฺส อารมฺมณปจฺจเยน ปจฺจโย… จตฺตาริ.

อุเปกฺขาสหคโต เหตุ ธมฺโม อุเปกฺขาสหคตสฺส เหตุสฺส ธมฺมสฺส อารมฺมณปจฺจเยน ปจฺจโย. อุเปกฺขาสหคโต เหตุ ธมฺโม ปีติสหคตสฺส เหตุสฺส ธมฺมสฺส อารมฺมณปจฺจเยน ปจฺจโย. อุเปกฺขาสหคโต เหตุ ธมฺโม สุขสหคตสฺส เหตุสฺส ธมฺมสฺส อารมฺมณปจฺจเยน ปจฺจโย. อุเปกฺขาสหคโต เหตุ ธมฺโม ปีติสหคตสฺส เหตุสฺส จ สุขสหคตสฺส เหตุสฺส จ ธมฺมสฺส อารมฺมณปจฺจเยน ปจฺจโย… จตฺตาริ.

ปีติสหคโต เหตุ จ สุขสหคโต เหตุ จ ธมฺมา ปีติสหคตสฺส เหตุสฺส ธมฺมสฺส อารมฺมณปจฺจเยน ปจฺจโย… จตฺตาริ.

ปีติสหคโต เหตุ ธมฺโม ปีติสหคตสฺส เหตุสฺส ธมฺมสฺส อธิปติปจฺจเยน ปจฺจโย.

๑๐๖. เหตุยา ทส, อารมฺมเณ โสฬส, อธิปติยา โสฬส, อนนฺตเร โสฬส, สมนนฺตเร โสฬส, สหชาเต ทส, อญฺญมญฺเญ ทส, นิสฺสเย ทส, อุปนิสฺสเย โสฬส…เป… วิปาเก ทส…เป… อวิคเต ทส (สํขิตฺตํ).

นเหตุยา โสฬส, นอารมฺมเณ โสฬส (สํขิตฺตํ).

เหตุปจฺจยา นอารมฺมเณ ทส (สํขิตฺตํ).

นเหตุปจฺจยา อารมฺมเณ โสฬส (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)

นเหตุปทํ