๑-๖. ปฏิจฺจวาราทิ
ปจฺจยจตุกฺกํ
เหตุ-อารมฺมณปจฺจยา
๑๐๗. ปีติสหคตํ นเหตุํ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ เหตุปจฺจยา. ปีติสหคตํ นเหตุํ ธมฺมํ ปฏิจฺจ สุขสหคโต นเหตุ ธมฺโม อุปฺปชฺชติ เหตุปจฺจยา. ปีติสหคตํ นเหตุํ ธมฺมํ ปฏิจฺจ ปีติสหคโต นเหตุ จ สุขสหคโต นเหตุ จ ธมฺมา อุปฺปชฺชนฺติ เหตุปจฺจยา. (๓)
สุขสหคตํ นเหตุํ ธมฺมํ ปฏิจฺจ สุขสหคโต นเหตุ ธมฺโม อุปฺปชฺชติ เหตุปจฺจยา. สุขสหคตํ นเหตุํ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ เหตุปจฺจยา. สุขสหคตํ นเหตุํ ธมฺมํ ปฏิจฺจ ปีติสหคโต นเหตุ จ สุขสหคโต นเหตุ จ ธมฺมา อุปฺปชฺชนฺติ เหตุปจฺจยา. (๓)
อุเปกฺขาสหคตํ นเหตุํ ธมฺมํ ปฏิจฺจ อุเปกฺขาสหคโต นเหตุธมฺโม อุปฺปชฺชติ เหตุปจฺจยา. (๑)
ปีติสหคตํ นเหตุญฺจ สุขสหคตํ นเหตุญฺจ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ เหตุปจฺจยา. ปีติสหคตํ นเหตุญฺจ สุขสหคตํ นเหตุญฺจ ธมฺมํ ปฏิจฺจ สุขสหคโต นเหตุ ธมฺโม อุปฺปชฺชติ เหตุปจฺจยา. ปีติสหคตํ นเหตุญฺจ สุขสหคตํ นเหตุญฺจ ธมฺมํ ปฏิจฺจ ปีติสหคโต นเหตุ จ สุขสหคโต นเหตุ จ ธมฺมา อุปฺปชฺชนฺติ เหตุปจฺจยา. (๓)
๑๐๘. ปีติสหคตํ นเหตุํ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ อารมฺมณปจฺจยา… ตีณิ.
สุขสหคตํ นเหตุํ ธมฺมํ ปฏิจฺจ สุขสหคโต นเหตุ ธมฺโม อุปฺปชฺชติ อารมฺมณปจฺจยา… ตีณิ.
อุเปกฺขาสหคตํ นเหตุํ ธมฺมํ ปฏิจฺจ อุเปกฺขาสหคโต นเหตุ ธมฺโม อุปฺปชฺชติ อารมฺมณปจฺจยา… เอกํ.
ปีติสหคตํ นเหตุญฺจ สุขสหคตํ นเหตุญฺจ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ อารมฺมณปจฺจยา… ตีณิ (สํขิตฺตํ).
๑๐๙. เหตุยา ทส, อารมฺมเณ ทส, อธิปติยา ทส, อนนฺตเร ทส…เป… อวิคเต ทส (สํขิตฺตํ).
นเหตุยา ทส, นอธิปติยา ทส (สํขิตฺตํ. สหชาตวารมฺปิ…เป… สมฺปยุตฺตวารมฺปิ วิตฺถาเรตพฺพํ.)