๑. ปฏิจฺจวาโร

เหตุปจฺจโย

๑๑๗. คนฺถวิปฺปยุตฺตคนฺถนิยํ ธมฺมํ ปฏิจฺจ คนฺถวิปฺปยุตฺตคนฺถนิโย ธมฺโม อุปฺปชฺชติ เหตุปจฺจยา – คนฺถวิปฺปยุตฺตํ คนฺถนิยํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… เทฺว ขนฺเธ…เป… ปฏิสนฺธิกฺขเณ…เป… เอกํ มหาภูตํ…เป… (ยถา จูฬนฺตรทุเก โลกิยทุกํ เอวํ วิตฺถาเรตพฺพํ นินฺนานากรณํ).

คนฺถวิปฺปยุตฺตคนฺถนิยทุกํ นิฏฺฐิตํ.

คนฺถโคจฺฉกํ นิฏฺฐิตํ.