๑. วิภงฺควาโร

เหตุปจฺจโย

๑๐๖. สญฺโญชโน เจว สญฺโญชนสมฺปยุตฺโต จ ธมฺโม สญฺโญชนสฺส เจว สญฺโญชนสมฺปยุตฺตสฺส จ ธมฺมสฺส เหตุปจฺจเยน ปจฺจโย – กามราคสญฺโญชโน ทิฏฺฐิสญฺโญชนสฺส อวิชฺชาสญฺโญชนสฺส เหตุปจฺจเยน ปจฺจโย (จกฺกํ). (๑)

สญฺโญชโน เจว สญฺโญชนสมฺปยุตฺโต จ ธมฺโม สญฺโญชนสมฺปยุตฺตสฺส เจว โน จ สญฺโญชนสฺส ธมฺมสฺส เหตุปจฺจเยน ปจฺจโย – สญฺโญชนา เจว สญฺโญชนสมฺปยุตฺตา จ เหตู สมฺปยุตฺตกานํ ขนฺธานํ เหตุปจฺจเยน ปจฺจโย. (๒)

สญฺโญชโน เจว สญฺโญชนสมฺปยุตฺโต จ ธมฺโม สญฺโญชนสฺส เจว สญฺโญชนสมฺปยุตฺตสฺส จ สญฺโญชนสมฺปยุตฺตสฺส เจว โน จ สญฺโญชนสฺส จ ธมฺมสฺส เหตุปจฺจเยน ปจฺจโย – กามราคสญฺโญชโน ทิฏฺฐิสญฺโญชนสฺส อวิชฺชาสญฺโญชนสฺส สมฺปยุตฺตกานญฺจ ขนฺธานํ เหตุปจฺจเยน ปจฺจโย (จกฺกํ). (๓)

อารมฺมณปจฺจโย

๑๐๗. สญฺโญชโน เจว สญฺโญชนสมฺปยุตฺโต จ ธมฺโม สญฺโญชนสฺส เจว สญฺโญชนสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย – สญฺโญชเน อารพฺภ สญฺโญชนา อุปฺปชฺชนฺติ. (มูลํ กาตพฺพํ) สญฺโญชเน อารพฺภ สญฺโญชนสมฺปยุตฺตา เจว โน จ สญฺโญชนา ขนฺธา อุปฺปชฺชนฺติ. (มูลํ กาตพฺพํ) สญฺโญชเน อารพฺภ สญฺโญชนา จ สญฺโญชนสมฺปยุตฺตกา จ ขนฺธา อุปฺปชฺชนฺติ. (๑)

สญฺโญชนสมฺปยุตฺโต เจว โน จ สญฺโญชโน ธมฺโม สญฺโญชนสมฺปยุตฺตสฺส เจว โน จ สญฺโญชนสฺส ธมฺมสฺส อารมฺมณปจฺจเยน ปจฺจโย – สญฺโญชนสมฺปยุตฺเต เจว โน จ สญฺโญชเน ขนฺเธ อารพฺภ สญฺโญชนสมฺปยุตฺตา เจว โน จ สญฺโญชนา ขนฺธา อุปฺปชฺชนฺติ. (๑)

สญฺโญชนสมฺปยุตฺโต เจว โน จ สญฺโญชโน ธมฺโม สญฺโญชนสฺส เจว สญฺโญชนสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย – สญฺโญชนสมฺปยุตฺเต เจว โน จ สญฺโญชเน ขนฺเธ อารพฺภ สญฺโญชนา อุปฺปชฺชนฺติ. (๒)

สญฺโญชนสมฺปยุตฺโต เจว โน จ สญฺโญชโน ธมฺโม สญฺโญชนสฺส เจว สญฺโญชนสมฺปยุตฺตสฺส จ สญฺโญชนสมฺปยุตฺตสฺส เจว โน จ สญฺโญชนสฺส จ ธมฺมสฺส อารมฺมณปจฺจเยน ปจฺจโย – สญฺโญชนสมฺปยุตฺเต เจว โน จ สญฺโญชเน ขนฺเธ อารพฺภ สญฺโญชนา จ สญฺโญชนสมฺปยุตฺตกา จ ขนฺธา อุปฺปชฺชนฺติ. (๓)

สญฺโญชโน เจว สญฺโญชนสมฺปยุตฺโต จ สญฺโญชนสมฺปยุตฺโต เจว โน จ สญฺโญชโน จ ธมฺมา สญฺโญชนสฺส เจว สญฺโญชนสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย… ตีณิ.

อธิปติปจฺจโย

๑๐๘. สญฺโญชโน เจว สญฺโญชนสมฺปยุตฺโต จ ธมฺโม สญฺโญชนสฺส เจว สญฺโญชนสมฺปยุตฺตสฺส จ ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิ.

สญฺโญชนสมฺปยุตฺโต เจว โน จ สญฺโญชโน ธมฺโม สญฺโญชนสมฺปยุตฺตสฺส เจว โน จ สญฺโญชนสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิ (อิมาสุ ตีสุปิ ปญฺหาสุ อารมฺมณาธิปติปิ สหชาตาธิปติปิ กาตพฺพา).

สญฺโญชโน เจว สญฺโญชนสมฺปยุตฺโต จ สญฺโญชนสมฺปยุตฺโต เจว โน จ สญฺโญชโน จ ธมฺมา สญฺโญชนสฺส เจว สญฺโญชนสมฺปยุตฺตสฺส จ ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิ.

อนนฺตรปจฺจยาทิ

๑๐๙. สญฺโญชโน เจว สญฺโญชนสมฺปยุตฺโต จ ธมฺโม สญฺโญชนสฺส เจว สญฺโญชนสมฺปยุตฺตสฺส จ ธมฺมสฺส อนนฺตรปจฺจเยน ปจฺจโย… นว (นินฺนานากรณํ, วิภชนา นตฺถิ. อารมฺมณสทิสา)… สมนนฺตรปจฺจเยน ปจฺจโย… นว… สหชาตปจฺจเยน ปจฺจโย… นว… อญฺญมญฺญปจฺจเยน ปจฺจโย… นว… นิสฺสยปจฺจเยน ปจฺจโย… นว… อุปนิสฺสยปจฺจเยน ปจฺจโย… นว (อารมฺมณนเยน กาตพฺพา)… อาเสวนปจฺจเยน ปจฺจโย… นว.

กมฺมปจฺจยาทิ

๑๑๐. สญฺโญชนสมฺปยุตฺโต เจว โน จ สญฺโญชโน ธมฺโม สญฺโญชนสมฺปยุตฺตสฺส เจว โน จ สญฺโญชนสฺส ธมฺมสฺส กมฺมปจฺจเยน ปจฺจโย… ตีณิ… อาหารปจฺจเยน ปจฺจโย… ตีณิ… อินฺทฺริยปจฺจเยน ปจฺจโย… ตีณิ… ฌานปจฺจเยน ปจฺจโย… ตีณิ… มคฺคปจฺจเยน ปจฺจโย… นว … สมฺปยุตฺตปจฺจเยน ปจฺจโย… นว… อตฺถิปจฺจเยน ปจฺจโย … นว… นตฺถิปจฺจเยน ปจฺจโย… นว… วิคตปจฺจเยน ปจฺจโย… นว… อวิคตปจฺจเยน ปจฺจโย… นว.