๕. สํสฏฺฐวาโร

๑-๔. ปจฺจยานุโลมาทิ

๖๓. สญฺโญชนสมฺปยุตฺตํ ธมฺมํ สํสฏฺโฐ สญฺโญชนสมฺปยุตฺโต ธมฺโม อุปฺปชฺชติ เหตุปจฺจยา – สญฺโญชนสมฺปยุตฺตํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ…เป….(๑)

สญฺโญชนวิปฺปยุตฺตํ ธมฺมํ สํสฏฺโฐ สญฺโญชนวิปฺปยุตฺโต ธมฺโม อุปฺปชฺชติ เหตุปจฺจยา – สญฺโญชนวิปฺปยุตฺตํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ…เป… ปฏิสนฺธิกฺขเณ…เป…. (๑)

สญฺโญชนวิปฺปยุตฺตํ ธมฺมํ สํสฏฺโฐ สญฺโญชนสมฺปยุตฺโต ธมฺโม อุปฺปชฺชติ เหตุปจฺจยา – อุทฺธจฺจสหคตํ โมหํ สํสฏฺฐา สมฺปยุตฺตกา ขนฺธา. (๒)

สญฺโญชนสมฺปยุตฺตญฺจ สญฺโญชนวิปฺปยุตฺตญฺจ ธมฺมํ สํสฏฺโฐ สญฺโญชนสมฺปยุตฺโต ธมฺโม อุปฺปชฺชติ เหตุปจฺจยา – อุทฺธจฺจสหคตํ เอกํ ขนฺธญฺจ โมหญฺจ สํสฏฺฐา ตโย ขนฺธา…เป… เทฺว ขนฺเธ…เป…. (๑) (สํขิตฺตํ.)

๖๔. เหตุยา จตฺตาริ, อารมฺมเณ ฉ, อธิปติยา เทฺว, อนนฺตเร ฉ, สมนนฺตเร ฉ…เป… อวิคเต ฉ.

๖๕. นเหตุยา ตีณิ, นอธิปติยา ฉ, นปุเรชาเต ฉ, นปจฺฉาชาเต ฉ, นอาเสวเน ฉ, นกมฺเม จตฺตาริ, นวิปาเก ฉ, นฌาเน เอกํ, นมคฺเค เอกํ, นวิปฺปยุตฺเต ฉ.