๑. วิภงฺควาโร

นเหตุปจฺจโย

๓๖. เนวเสกฺขนาเสกฺขํ ธมฺมํ สํสฏฺโฐ เนวเสกฺขนาเสกฺโข ธมฺโม อุปฺปชฺชติ นเหตุปจฺจยา – อเหตุกํ เนวเสกฺขนาเสกฺขํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ…เป… อเหตุกปฏิสนฺธิกฺขเณ…เป… วิจิกิจฺฉาสหคเต อุทฺธจฺจสหคเต ขนฺเธ สํสฏฺโฐ วิจิกิจฺฉาสหคโต อุทฺธจฺจสหคโต โมโห. (๑)

นอธิปติปจฺจโย

๓๗. เสกฺขํ ธมฺมํ สํสฏฺโฐ เสกฺโข ธมฺโม อุปฺปชฺชติ นอธิปติปจฺจยา – เสกฺเข ขนฺเธ สํสฏฺโฐ เสกฺโข อธิปติ. (๑)

อเสกฺขํ ธมฺมํ สํสฏฺโฐ อเสกฺโข ธมฺโม อุปฺปชฺชติ นอธิปติปจฺจยา – อเสกฺเข ขนฺเธ สํสฏฺโฐ อเสกฺโข อธิปติ. (๑)

เนวเสกฺขนาเสกฺขํ ธมฺมํ สํสฏฺโฐ เนวเสกฺขนาเสกฺโข ธมฺโม อุปฺปชฺชติ นอธิปติปจฺจยา (ปริปุณฺณํ, เอกํ).

นปุเรชาตปจฺจยาทิ

๓๘. เสกฺขํ ธมฺมํ สํสฏฺโฐ เสกฺโข ธมฺโม อุปฺปชฺชติ นปุเรชาตปจฺจยา… นปจฺฉาชาตปจฺจยา… นอาเสวนปจฺจยา… นกมฺมปจฺจยา (เทฺว กาตพฺพา)… นวิปากปจฺจยา (เทฺว กาตพฺพา)… นฌานปจฺจยา… นมคฺคปจฺจยา… นวิปฺปยุตฺตปจฺจยา…เป….