๓. ปจฺจยานุโลมปจฺจนียํ

เหตุสภาคํ

๘๘. เหตุปจฺจยา นอารมฺมเณ ตีณิ, นอธิปติยา ตีณิ, นอนนฺตเร ตีณิ, นสมนนฺตเร ตีณิ, นอุปนิสฺสเย ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นกมฺเม ตีณิ, นวิปาเก ตีณิ, นอาหาเร ตีณิ, นอินฺทฺริเย ตีณิ, นฌาเน ตีณิ, นมคฺเค ตีณิ, นวิปฺปยุตฺเต ตีณิ, โนนตฺถิยา ตีณิ, โนวิคเต ตีณิ.

สามญฺญฆฏนา

๘๙. เหตุ-สหชาต-อญฺญมญฺญ-นิสฺสย-สมฺปยุตฺต-อตฺถิ-อวิคตนฺติ นอารมฺมเณ ตีณิ…เป… โนวิคเต ตีณิ.

(ยถา กุสลตฺติกสฺส อนุโลมปจฺจนียคณนา สชฺฌายมคฺเคน คณิตา, เอวํ อิทมฺปิ คเณตพฺพํ.)

กมฺมปจฺจยา นเหตุยา อฏฺฐ, นอารมฺมเณ อฏฺฐ…เป… โนอวิคเต อฏฺฐ (สํขิตฺตํ).

อนุโลมปจฺจนียคณนา.