๔. ปจฺจยปจฺจนียานุโลมํ

นเหตุทุกํ

๙๐. นเหตุปจฺจยา อารมฺมเณ นว, อธิปติยา ปญฺจ, อนนฺตเร สตฺต, สมนนฺตเร สตฺต, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย นว, อาเสวเน ตีณิ, กมฺเม อฏฺฐ, วิปาเก ตีณิ, อาหาเร ตีณิ, อินฺทฺริเย ตีณิ, ฌาเน ตีณิ, มคฺเค ตีณิ, สมฺปยุตฺเต ตีณิ, อตฺถิยา ตีณิ, นตฺถิยา สตฺต, วิคเต สตฺต, อวิคเต ตีณิ.

ติกํ

นเหตุปจฺจยา นอารมฺมณปจฺจยา อธิปติยา ตีณิ, อนนฺตเร สตฺต…เป… อวิคเต ตีณิ…เป….

ฉกฺกํ

นเหตุปจฺจยา นอารมฺมณปจฺจยา นอธิปติปจฺจยา นอนนฺตรปจฺจยา นสมนนฺตรปจฺจยา สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย นว, กมฺเม อฏฺฐ, วิปาเก ตีณิ…เป… อวิคเต ตีณิ…เป….

นวกํ

นเหตุปจฺจยา นอารมฺมณปจฺจยา (มูลกํ สํขิตฺตํ) นนิสฺสยปจฺจยา อุปนิสฺสเย นว, กมฺเม อฏฺฐ…เป….

จตุวีสกํ (สอุปนิสฺสยํ)

นเหตุปจฺจยา นอารมฺมณปจฺจยา…เป… นอุปนิสฺสยปจฺจยา นปุเรชาตปจฺจยา นปจฺฉาชาตปจฺจยา นอาเสวนปจฺจยา นวิปากปจฺจยา นอาหารปจฺจยา นอินฺทฺริยปจฺจยา นฌานปจฺจยา นมคฺคปจฺจยา นสมฺปยุตฺตปจฺจยา นวิปฺปยุตฺตปจฺจยา โนอตฺถิปจฺจยา โนนตฺถิปจฺจยา โนวิคตปจฺจยา โนอวิคตปจฺจยา กมฺเม อฏฺฐ.

จตุวีสกํ (สกมฺมํ)

นเหตุปจฺจยา นอารมฺมณปจฺจยา…เป… นนิสฺสยปจฺจยา นปุเรชาตปจฺจยา นปจฺฉาชาตปจฺจยา นอาเสวนปจฺจยา นกมฺมปจฺจยา…เป… โนวิคตปจฺจยา โนอวิคตปจฺจยา อุปนิสฺสเย นว.

นเหตุมูลกํ.

นอารมฺมณทุกํ

๙๑. นอารมฺมณปจฺจยา เหตุยา ตีณิ…เป… กมฺเม อฏฺฐ…เป… อวิคเต ตีณิ…เป….

โนอวิคตทุกํ

๙๒. โนอวิคตปจฺจยา อารมฺมเณ นว, อธิปติยา จตฺตาริ, อนนฺตเร สตฺต, สมนนฺตเร สตฺต, อุปนิสฺสเย นว, อาเสวเน ตีณิ, กมฺเม อฏฺฐ, นตฺถิยา สตฺต, วิคเต สตฺต…เป….

จตุกฺกํ

โนอวิคตปจฺจยา นเหตุปจฺจยา นอารมฺมณปจฺจยา อนนฺตเร สตฺต, สมนนฺตเร สตฺต, อุปนิสฺสเย นว, อาเสวเน ตีณิ, กมฺเม อฏฺฐ, นตฺถิยา สตฺต, วิคเต สตฺต…เป….

จตุวีสกํ (สอุปนิสฺสยํ)

โนอวิคตปจฺจยา นเหตุปจฺจยา นอารมฺมณ-นอธิปติ-นอนนฺตร-นสมนนฺตรนสหชาต-นอญฺญมญฺญ-นนิสฺสย-นอุปนิสฺสย-นปุเรชาต-นปจฺฉาชาต-นอาเสวน-นวิปากนอาหาร-นอินฺทฺริย-นฌาน-นมคฺค-นสมฺปยุตฺต-นวิปฺปยุตฺต-โนอตฺถิปจฺจยา โนนตฺถิปจฺจยา โนวิคตปจฺจยา กมฺเม อฏฺฐ.

จตุวีสกํ (สกมฺมํ)

โนอวิคตปจฺจยา นเหตุปจฺจยา…เป… นนิสฺสยปจฺจยา นปุเรชาตปจฺจยา…เป… นกมฺมปจฺจยา…เป… โนวิคตปจฺจยา อุปนิสฺสเย นว.

(ยถา กุสลตฺติกสฺส ปจฺจนียานุโลมคณนา สชฺฌายมคฺเคน คณิตา, เอวํ คเณตพฺพํ.)

ปจฺจนียานุโลมํ.

เวทนาตฺติกํ นิฏฺฐิตํ.