๒๓. เตวีสติมวคฺโค

(๒๑๙) ๒. อรหนฺตวณฺณกถา

๙๐๙. อรหนฺตานํ วณฺเณน อมนุสฺสา เมถุนํ ธมฺมํ ปฏิเสวนฺตีติ? อามนฺตา. อรหนฺตานํ วณฺเณน อมนุสฺสา ปาณํ หนนฺติ…เป… อทินฺนํ อาทิยนฺติ, มุสา ภณนฺติ, ปิสุณํ ภณนฺติ, ผรุสํ ภณนฺติ, สมฺผํ ปลปนฺติ, สนฺธึ ฉินฺทนฺติ, นิลฺโลปํ หรนฺติ, เอกาคาริกํ กโรนฺติ, ปริปนฺเถ ติฏฺฐนฺติ, ปรทารํ คจฺฉนฺติ, คามฆาตกํ กโรนฺติ…เป… นิคมฆาตกํ กโรนฺตีติ? น เหวํ วตฺตพฺเพ…เป….

อรหนฺตวณฺณกถา นิฏฺฐิตา.