๑. ขนฺโธ

๒๒๘. รูปกฺขนฺโธ กติหิ ขนฺเธหิ กติหายตเนหิ กติหิ ธาตูหิ สมฺปยุตฺโตติ? นตฺถิ. กติหิ วิปฺปยุตฺโต? จตูหิ ขนฺเธหิ เอเกนายตเนน สตฺตหิ ธาตูหิ วิปฺปยุตฺโต; เอเกนายตเนน เอกาย ธาตุยา เกหิจิ วิปฺปยุตฺโต.

๒๒๙. เวทนากฺขนฺโธ… สญฺญากฺขนฺโธ… สงฺขารกฺขนฺโธ ตีหิ ขนฺเธหิ เอเกนายตเนน สตฺตหิ ธาตูหิ สมฺปยุตฺโต; เอเกนายตเนน เอกาย ธาตุยา เกหิจิ สมฺปยุตฺโต. กติหิ วิปฺปยุตฺโต? เอเกน ขนฺเธน ทสหายตเนหิ ทสหิ ธาตูหิ วิปฺปยุตฺโต; เอเกนายตเนน เอกาย ธาตุยา เกหิจิ วิปฺปยุตฺโต.

๒๓๐. วิญฺญาณกฺขนฺโธ ตีหิ ขนฺเธหิ สมฺปยุตฺโต; เอเกนายตเนน เอกาย ธาตุยา เกหิจิ สมฺปยุตฺโต. กติหิ วิปฺปยุตฺโต? เอเกน ขนฺเธน ทสหายตเนหิ ทสหิ ธาตูหิ วิปฺปยุตฺโต; เอเกนายตเนน เอกาย ธาตุยา เกหิจิ วิปฺปยุตฺโต.