๒. อายตนํ

๒๓๑. จกฺขายตนํ…เป… โผฏฺฐพฺพายตนํ…เป… สมฺปยุตฺตนฺติ? นตฺถิ. กติหิ วิปฺปยุตฺตํ? จตูหิ ขนฺเธหิ เอเกนายตเนน สตฺตหิ ธาตูหิ วิปฺปยุตฺตํ; เอเกนายตเนน เอกาย ธาตุยา เกหิจิ วิปฺปยุตฺตํ.

๒๓๒. มนายตนํ ตีหิ ขนฺเธหิ สมฺปยุตฺตํ; เอเกนายตเนน เอกาย ธาตุยา เกหิจิ สมฺปยุตฺตํ. กติหิ วิปฺปยุตฺตํ? เอเกน ขนฺเธน ทสหายตเนหิ ทสหิ ธาตูหิ วิปฺปยุตฺตํ; เอเกนายตเนน เอกาย ธาตุยา เกหิจิ วิปฺปยุตฺตํ.