สูรสฺสตีนีติ

๑. กตญฺญุตา จ สจฺจญฺจ,

โลกสารา หิ เต ทุเว;

โลกาปิ เตหิ ติฏฺฐนฺติ,

รฏฺฐํ อกํสุ อิสฺสรํ.

๒. กากาจ ทุชฺชนา โลเก,

มลีภูตาว สพฺพทา;

อิฏฺฐํ คุณํ นาสยนฺติ,

เต เว โลกสฺส เวริโน.

มิคานํ สิงฺคาโล อนฺโต,

ปกฺขีนํ ปน วายโส.

อการณเวรี โหนฺติ,

มจฺฉานํ ธีวรา ยถา;

คุณีนํ สชฺชนานญฺจ,

ทุชฺชนา นิจฺจเวริโน.

๓. สิรึ โภนฺโต สุโปเสถ,

สิริ มูลา หิ สมฺปทา;

สิริย อิธ โชตนฺติ,

สิรี สา สพฺพสิทฺธิกา.

๔. มุสา ตโมกรา โลเก,

สจฺจํ มีทิติการกํ;

มุสาตเมน ทุกฺขนฺติ,

สจฺจาภาย สุขนฺติเว.

สุวิชานํ สิงฺคาลานํ,

สกุณานญฺจ วสฺสิตํ;

มนุสฺสวสฺสิตํ ราช,

ทุพฺพิชานตรํ ตโต.

๕. กปฺปคฺคิสทิสา อิสฺสา,

ฌาเปติ สพฺพสมฺปทํ;

มุทิตา กปฺปเมโฆว,

โรเปติ สพฺพสมฺปทํ.

๖. ยถา อสนฺถิรา ถมฺภา,

ถุสราสิมฺหิ อุสฺสิตา;

ตเถว กปิจิตฺตานํ,

กมฺมนฺตา จญฺจลงฺคตา.

หลิทฺทิราคํ กปิจิตฺตํ;

ปุริสํ ราควิราคินํ,

เอทิสํ ตาต มาเสวิ;

นิมฺมนุสฺสมฺปิ เจ สิยา.

๗. [ก]

ปุปฺผจุมฺพิ จิตฺตปตฺตี,

สกวณฺเณน มชฺชิโต;

วิกฺกมี ปุปฺผโต ปุปฺผํ,

นสฺสาคารํ น สงฺคโม.

[ข]

กิปฺปิลิกา ทุพฺพณฺณาปิ,

สมคฺคาจ ปรกฺกมา;

มา โหถ ปุปฺผจุมฺพีว,

โหถ โว ปจิกา ยถา.

๑. เย มรนฺติ กีฬนฺตา เต,

สฺวานา อญฺโญญฺญโมทิตา;

ทิสฺวาน ฉฏฺฏิตํ ภตฺตํ,

สีฆเวรี วิหึสเร.

๒. ตเถเกปิ ชนา ทานิ,

สมคฺคา ญฺโญญฺญโมทิตา;

ธนเหตุ วิหึสนฺติ,

ธีรตฺถุ สีฆเวริกา.

๙. วสนฺเต เหมนฺเต คิเมฺห;

เนว ตาลา วิเสสิโน;

ถิรจิตฺตา ชนา สนฺตา;

สุขทุกฺเขสุ นิจฺจลา.

๑๐. ยถา ปวฏฺฏมานมฺหิ,

สุฏฺฐุ ติฏฺฐติ เคณฺฐุเก;

อปฺปวฏฺเฏ ภูมฺยํ เสติ,

ตเถว เคณฺฐุโก ชโน.

๑๑. อคฺฆาเปตุํ นสกฺโกนฺติ,

กาลญฺหิ กาลิกา ชนา;

วชิราทิญฺจ สกฺโกนฺติ,

เตน กาโล อนคฺฆิโก.

๑๒. [ก]

อสโน หิ ทีฆทฺธาโน,

สารสาโร สุคนฺธิโก;

นิคฺคนฺโธ เตฺวว นิสฺสาโร,

ทีฆทฺธาโนปิ สิมฺพลี.

[ข]

ตเถเวเก ชนา โลเก,

ทีฆทฺธานา สุสารกา;

นิสฺสารา เกจิ เผคฺคูว,

ทีฆทฺธานาปิ โคยถา.

๑๓. อุปกาโร จาปกาโร,

ยสฺมึ คจฺฉติ นฏฺฐตํ;

ปาสาณหทยสฺสสฺส,

ชีวตีตฺยา ภิธามุธา.

ปสาโท นิปฺผโล ยสฺส,

โกโปจาปิ นิรตฺถโก;

น ตํ สงฺคนฺตุ มิจฺเฉยฺย,

ถีปุมาว นปุํสกํ.

๑๔. อุปจาโร หิ กาตพฺโพ,

น ยาว โสหทํ ภเว;

อุปจาโร สุมิตฺตมฺหิ,

มายา จ โหติ โกฏิลํ.

๑๕. กเมน อคฺคโต อุจฺฉุ,

รโส สาทุตโร ยถา;

ตเถว สุมิตฺโต โลเก,

ทุมฺมิตฺโต ปน เนทิโส.

๑๖. โสการาติ ปริตฺตาณํ,

วิสฺสาสปีติภาชนํ;

รตนาภิรตนํ อิจฺเฉ,

สุมิตฺตํ อกฺขรตฺตยํ.

๑๗. ทมฺปตีนํ สุมิตฺตานํ,

มุขํ อญฺโญญฺญทปฺปณํ,

สุเข สุขํ ทุกฺเข ทุกฺขํ,

ปฏิจฺฉาเยว ทปฺปเณ.

กถํ นุ ตาสํ หทยํ,

สุขราวต อิตฺถิโย;

ยาสามิเก ทุกฺขิตมฺหิ,

สุขมิจฺฉนฺติ อตฺตโน.

๑๘. นิวาตญฺจ ปุเร กตฺวา,

มานํ กตฺวาน ปจฺฉโต;

สกตฺถํ ธารเย ธีโร,

อตฺถภญฺโช หิ มุฬฺหตา.

๑๙. ปุเรจารํ สตึ กตฺวา,

สทฺธํ กเรยฺย ปจฺฉโต;

ตุรํ น สทฺทเห ธีโร,

สีฆสทฺโธ หิ มนฺทโก.

๒๐. วเน ๐.๐๐๙๙ พหูนิ กฏฺฐานิ;

ทุลฺลภํ รตฺตจนฺทนํ;

ตถา ชนา พหู โลเก;

ปุมา ชญฺโญ สุทุลฺลโภ.

๒๑. ติณกฏฺฐปลาเสหิ;

สุกฺเขหิ ทยฺหเต วนํ;

เอตาทีหิ อสาเรหิ;

โลโก ชเนหิ ทยฺหเต.

๒๒. อนฺโตวสฺเส ติมาสมฺหิ,

ปุญฺญกมฺเมน โมทิตา;

สุขํ วสึสุ โปราณา,

พุทฺธสาสนมามกา.

๒๓. มิคมเทน เอเกน,

ตํ วนํ สุรภิคนฺธิกํ;

ตถา ชเนน ตํ รฏฺฐํ,

คุณินา หิ สิรีมตา.

สรีรํ ขณวิทฺธํสี,

กปฺปนฺตฏฺฐายิโน คุณา.

๒๔. ขรานํ สีหพฺยคฺฆานํ,

สงฺคโม โน หิสพฺพทา;

ตเถว พฺยคฺฆจิตฺตานํ,

สชาติกา ขโยนตา.

๒๕. สก สาธุปิ โน สาธู,

โย เจญฺญ ทุฏฺฐการโก;

พหูนํ สาธู ปาเยน,

ส เว สาธูติ วุจฺจเต.

๒๖. พหูทเก สมุทฺเทปิ,

ชลํ นตฺเถว ปาตเว;

ขุทฺทเก ขตกูปมฺหิ,

สาทุํ อตฺถิ พหุํ ทกํ.

๒๗. มา สีฆํ วิวเรยฺยาถ,

นินฺทิตุญฺจ ปสํสิตุํ;

มุขญฺหิ โว กถาทฺวารํ,

นิรุนฺเธยฺยาถ สพฺพทา.

๒๘. มา สีฆํ วิวเรยฺยาถ,