สทฺทพินฺทุ |โอ๐.๐๐๐๑| ปกรณํ

นโม ตสฺส ภควโต อรหโต สมฺมาสมฺพุทฺธสฺส

๑. ยสฺสเญยฺเยสุ ธมฺเมสุ, นาณุมตฺตมฺปเวทิตํ,

นตฺวาสทฺธมฺมสงฺฆํตํ, สทฺทพินฺทุํสมารเภ;

๒. |โอ๐.๐๐๐๒|

กาทิริตา นวสงฺขฺยา, กเมนฏา ทิ ยาทิจ,

ปาทโยปญฺจ สงฺขฺยาตา, สุญฺญนามา สรญฺญนา;

๓. สเรเหวสราปุพฺเพ ลุตฺตาวาวีปเรรมา,

พฺยญฺชนาจาคมาวาวี ทีฆรสฺสาทิสมฺภวา;

๔. |โอ๐.๐๐๐๓|

กากาเสนาคโตสิส เกนิทฺธิมจฺจทสฺสยิ,

อราชขฺวคฺคิเมสีนํ โสตุกมฺเมฆยิตฺถิโย;

อิติ สนฺธิกปฺโป สมตฺโต.

๕. |โอ๐.๐๐๐๔|

พุทฺธปุมยุวสนฺต ราชพฺรหฺมสขาจสา,

ยตาทิเทหีชนฺตุจ สตฺถุปิตาภิภูวิทู;

๖. กญฺญามฺมารตฺติถิโป, กฺขรณีนทิรุมาตุภู,

นปุํสเกติยนฺตาจ, ปทกมฺมทธายุโน;

๗. |โอ๐.๐๐๐๕|

คหิตาคหเณเนตฺถ สุทฺโธสฺยาทฺยนฺตกาปุเม,

วิมลาโหนฺติชานฺเตหิ ถฺยํปญฺจนฺเตหิทาธิกา;

๘. นปุํสเกปโยคาตุ ชนกาโหนฺติตฺยนฺตโต,

ปธานานุคตาสพฺพ นามสมาสตทฺธิตา;

๙. |โอ๐.๐๐๐๖|

อตฺติลิงฺคานิปาตาทิ ตโตลุตฺตาวสฺยาทโย,

สุตฺตานุรูปโตสิทฺธา โหนฺติวตฺตามนาทโย;

อิติ นามกปฺโป สมตฺโต.

๑๐. ฉการเกสสามิสฺมึ สมาโสโหติสมฺภวา,

ตทฺธีตากตฺตุกมฺมส, มฺปทาโนกาสสามิสุ;

๑๑. |โอ๐.๐๐๐๗|

สาธตฺตยมฺหิอาขฺยาโต กิตโกสตฺตสาธเน,

สพฺพตฺถปฐมาวุตฺเต อวุตฺเตทุติยาทโย;

๑๒. มนสามุนิโนวุตฺยา วเนพุทฺเธนวณฺณิเต,

วฏฺฏาหิโตวิวฏฺฏตฺถํ ภิกฺขุภาเวติภาวนํ;

อิติ การกกปฺโป สมตฺโต.

๑๓. |โอ๐.๐๐๐๘|

ราสีทฺวิปทิกาทฺวนฺทา ลิงฺเคนวจเนนจ,

ลุตฺตาตุลฺยาธิกรณา พหุพฺพีหีตุเขมรู;

๑๔. ตปฺปุริสาจเขโมรา ทยาจกมฺมธารยา,

ทิคโวจาวฺยยาหารา เอเตสพฺเพปิหาริตา;

อิติ สมาสกปฺโป สมตฺโต.

๑๕. กจฺจาทิโตปิเอกมฺหา สทฺทโตนิยมํวินา,

เนกตฺเถสติโภนฺเตว สพฺเพตทฺธิตปจฺจยา;

อิติ ตทฺธิตกปฺโป สมตฺโต.

๑๖. |โอ๐.๐๐๐๙|

กตฺตรินาญฺญถากมฺเม ตถาภาเวตุเมรยา,

สพฺเพเตปจธาตุมฺหิ สงฺเขเปนมรูมยา;

๑๗. |โอ๐.๐๐๑๐|

คมีมฺหาติคุณาผตฺโต สมฺภวาอญฺญธาตุสุ,

อนนฺตาวปโยคาเต อาเทสปจฺจยาทิหิ;

อิติ อาขฺยาตกปฺโป สมตฺโต.

๑๘. กิตาทิปจฺจยาสพฺเพ, เอกมฺหาอปิธาตุโต,

สิยุํนุรูปโตสตฺต, สาธเนสติปายโต;

อิติ กิตกปฺโป สมตฺโต.

๑๙. |โอ๐.๐๐๑๑|

อิมินากิญฺจิเลเสน, สกฺกาญาตุํชินาคเม,

ปโยคาญาณินาสินฺธุ, รโสเวเกนพินฺทุนา;

๒๐. รมฺมํสีฆปฺปเวสาย, ปุรํปิฏกสญฺญิตํ,

มคฺโคชุมคฺคตํมคฺคํ, สทฺทารญฺเญวิโสธิโต;

๒๑. |โอ๐.๐๐๑๒|

เตเนว กิญฺจิ ชลิโต ชลิโต ปทีโป

กจฺจายนุตฺติรตโน จิตคพฺภโกเณ,

ธมฺมาทิราชคุรุนา ครุมามเกน

ธมฺเมน โยพฺพิปตินา สครุตฺตนีโต;

อิติ สทฺทพินฺทุ ปกรณํ ปริสมตฺตํ.

โยสญฺญโม คุณธโน นยนํ นิชํว

สิกฺขาปยี มม มวํ สุคตาคมาโท,

สลฺโลก ปุญฺช สุหโท ปทุมาทิ ราม

นาโม มหา ยติวรา จริโย สมยฺหํ;

สทฺธาธเนน วสตา วิทิตมฺหิ ปุปฺผา

ราเมธุนา อริยวํส ธชวฺหเยน,

สนฺเตน ญาณติลโก ตฺยปราขฺยเกน

พาลานเมตมวิธียิ มยาหิตาย;