๗. วิหารการ สงฺฆาทิเสส สิกฺขาปุจฺฉา

ปุจฺฉา – ยํ เตน อาวุโส…เป… สมฺมาสมฺพุทฺเธน มหลฺลกํ วิหารํ การาเปนฺตสฺส สงฺฆาทิเสโส กตฺถ ปญฺญตฺโต.

วิสฺสชฺชนา – โกสมฺพิยํ ภนฺเต.

ปุจฺฉา – กํ อาวุโส อารพฺภ ปญฺญตฺโต.

วิสฺสชฺชนา – อายสฺมนฺตํ ภนฺเต ฉนฺนตฺเถรํ อารพฺภ ปญฺญตฺโต.

ปุจฺฉา – กิสฺมึ อาวุโส วตฺถุสฺมึ ปญฺญตฺโต.

วิสฺสชฺชนา – อายสฺมา ภนฺเต ฉนฺโน วิหารวตฺถุํ โสเธนฺโต อญฺญตรํ เจติยรุกฺขํ เฉทาเปสิ คามปูชิตํ นิคมปูชิตํ นคร ปูชิตํ ชนปทปูชิตํ รฏฺฐปูชิตํ, ตสฺมึ ภนฺเต วตฺถุสฺมึ ปญฺญตฺโต.