นโม ตสฺส ภควโต อรหโต สมฺมาสมฺพุทฺธสฺส

นีติมญฺชรี

๑. กุลกฺขเย วินสฺสนฺติ,

กุลธมฺมา สนนฺตนา;

ธมฺเม นฏฺเฐ กุลํ สพฺพํ,

อธมฺโม อภิภู ขลํ.

๒. อธมฺมาภิภวา ทนฺตา,

ปทุสฺสนฺติ กุลิตฺถิโย;

ถีสุ ทุฏฺฐา สฺว ธมฺเมน,

ชายเต วณฺณสงฺกโร.

๓. ปิยํ ภาเส คุณคฺคาโห,

สูโร สิยา วิกนฺตโน;

ทาตา จนฺทสมา นารี,

ทิฏฺฐํ ทิฏฺฐํ นหาสเย.

๔. กุโตตฺถิ กุมิตฺเต สจฺจํ,

กุทาเร รติวฑฺฒนํ;

กุเทสมฺหิ มโน รมฺมํ,

กุราเช โภคสมฺปทํ.

สงฺเกเตว อมิตฺตสฺมึ,

มิตฺตสฺมึ ปิ นวิสฺสเส;

อภยา ภย มุปฺปนฺนํ,

อปิ มูลานิ กนฺตติ.

อทิฏฺโฐว ปโร เสยฺโย,

ทุมฺมิตฺโต โน วิสฺสาสิโก.

อคฺคิโหมผลํ เวโท,

สตฺถํสีลผลํ มตํ;

รติปุตฺตผลํ นารี,

ทานภุตฺติผลํ ธนํ.

อสจฺจํ สาหสํ มายา,

มูฬฺหตฺต ม ติโลภตา;

อโสจํ นิทฺทยตฺตญฺจ,

ถีนํ โทสา สภาวชา.

ชายาย ภตฺตุโน ภาโร,

สิสฺเสน คุรุโน กโต;

อมจฺจเกหิ ราชสฺส,

ปิตรานํ นิเชนจ.

๕. อุยฺยเมน หิ สิชฺฌนฺติ,

กมฺมานิ น มโนรถา;

น หิ สุตฺตสฺส สีหสฺส,

ปวีสนฺติ มุเข มิคา.

อติสีตํ อติอุณฺหํ,

อติสายมิทํ อหุ;

อิติ วิสฏฺฐกมฺมนฺเต,

ขณา อจฺเจนฺติ มาณเว.

อาทานสฺส ปทานสฺส,

กตฺตพฺพสฺส จ กมฺมุโน;

ขิปฺปํ อกยฺยมานสฺส,

กาเล ปิวติ สมฺปทํ.

นาทพฺเพ นิหิตา กาจิ,

กฺริยา ผลวตี ภเว;

นพฺยาปารสเตนาปิ,

สุโกว ปาฐเต พโก.

โย ทนฺธกาเล ตรติ,

ตรณีเย จ ทนฺธเย;

สุกฺขปณฺณํ ว อกฺกมฺม,

อตฺถํ ภญฺชติ อตฺตโน.

๖. ยํ ททาติ ยํ ภุญฺชติ,

ตเทว ธนิโน ธนํ;

อญฺเญ มตสฺส กีฬนฺติ,

ทาเรหิปิ ธเนหิปิ.

ทาโนปโภคหีเนน,

ธเนน ธนิโน สุขํ;

โก วิเสโส ทลิทฺทสฺส,

อธิกํ ธนรกฺขณํ.

นิชโสขฺยํ นิรุนฺธนฺโต,

นีจโภโค มิตมฺปโจ;

ธนํ สญฺจยเต โย โส,

ปรภารวโห ปสุ.

ยํ อุสฺสุกา สงฺขโรนฺติ,

อลกฺขิกา พหุํ ธนํ;

สิปฺปวนฺโต อสิปฺปาวา,

ลกฺขิ วา ตานิ ภุญฺชติ.

๗. สมฺปตฺยํ มหตํ จิตฺตํ,

ภเว อุปฺปเล โกมลํ;

วิปตฺยํจ มหาเสล,

สิลาสงฺฆาตกกฺกสํ.

๘. อสมฺภพฺยคุณํ ถุตฺวา,

เขโท มุธาว ชายเต;

อวฺหายํ จนฺท มุ ลฺโลกฺย,

นจนฺโทต มุ ปาคมี.

๙. สจฺจํ มุขมฺหิ ธาเรยฺย,

กณฺเณ สุตํ ภุเช ชยํ;

หทยมฺหิ ขมํ วีรํ,

โลกาทาสํจ โลจเน.

สทฺทมตฺตํ นผนฺเทยฺย,

อญฺญตฺวา สทฺทการณํ;

สทฺทเหตุํ ปริญฺญาย,

ปโมโท วา ภโย ตถา.

สพฺพสุต ม ธีเยยฺย,

หีนมุกฺกฏฺฐมชฺฌิมํ.

๑๐. ทุนฺนาริยา กุลํ สุทฺธํ,

ปุตฺโต นสฺสติ ลาลนา;

สมิทฺธิ อนยา พนฺธุ,

ปวาสา มทนา หิรี.

ลาลเย ปญฺจวสฺสานิ,

ทสวสฺสานิ ตาลเย;

ปตฺเตตุ โสฬเสวสฺเส,

ปุตฺตํ มิตฺตํว อาจเร.

ลาลเน พหโว โทสา,

ลาลเน พหโว คุณา.

ปาปา นิวารยติ โยชยเต หิตาย,

คุยฺหานิ คูหติ คุณํ ปกฏีกโรติ;

อาปตฺติกญฺจ นชหาติ ททาติ กาเล,

สมฺมิตฺต ลกฺขณมิทํ ปวทนฺติ สนฺโต.

๑๑. ทุชฺชโน ชียเต ยุตฺยา,

นิคฺคเหน นธีมตา;

นิปาตฺยเต มหารุกฺโข,

ตสฺสมีป ขติกฺขยา.

วเน มิคาจ ลุทฺธานํ,

ทุชฺชนานญฺจ สชฺชนา;

อการณเวรี โหนฺติ,

ติณภกฺขา สุเปสลา.

ปาทลคฺคํ กรฏฺเฐน,

กณฺฑเกเนว กณฺฑกํ.

พาลํ นปสฺเส นสุเณ,

นจพาเลน สํวเส;

พาเลนาลฺลาปสลฺลาปํ,

นกเร นจโรจเย.

๑๒. อุป กตฺตุํ ยถา ขุทฺโท,

สมตฺโถ นตถามหา;

กูโป หิ หนฺติ ปิปาสํ,

นตุ ปาโย มหมฺพุธิ.

๑๓. อาทานสฺส ปทานสฺส,

กตฺตพฺพสฺสจ กมฺมุโน;

ขิปฺปํ อกรมานสฺส,

กาโล ภกฺขติ ตํ รสํ.

นกฺขตฺตํ ปฏิมาเนนฺตํ,

อตฺโถ พาลํ อุปชฺฌคา;

อตฺโถ อตฺถสฺส นกฺขตฺตํ,

กึ กริสฺสนฺติ ตารกา.

อชรามโรว ปญฺโญ,

วิชฺชมตฺถญฺจ จินฺตเย;

คหิโตวิย เกเสสุ,

มจฺจุนา ธมฺมมาจเร.

๑๔. วชฺชา คุรูจ มนฺตีจ,

ตโย รฏฺฐาภิสงฺขตา;

ชีวีต ทกฺข โกสานํ,

วฑฺฒนา นาสนาจ เต.

๑๕. ถิเรน กมฺมํ วฑฺฒติ,

อถิเรน ตุเรน โน;

ผลนฺติ สมเย รุกฺขา,

สิตฺตาปิ พหุวารินา.

วายาเมเถว ปุริโส,

นนิพฺพินฺเทยฺย ปณฺฑิโต.

ปยตโน ตาทิโส เนว,

กยฺโย เยน ผลํ นหิ;

เสลคฺเค กูปขณนา,

กถํ โตยสมาคโม.

ญาณงฺกุเสน สมฺมคฺคํ,

นิยฺยตฺยุสฺสาหกุญฺชโร.