นโม ตสฺส ภควโต อรหโต สมฺมาสมฺพุทฺธสฺส

ลกฺขณาโต

พุทฺธโถมนาคาถา

๑. ภวาภเวสุ เนเกสุ,

ปูเรสิ ตึสปารมี;

จริยาโยจ สมฺพุทฺโธ,

ปริจฺจาเคชหํสทา.

๒. เวสฺสนฺตรตฺตภาวมฺหิ,

ฐิโตมทฺทึ ปิโสอทา;

นิชํกณฺหาชินํชาลึ,

วิยํวงฺกตปพฺพเต.

๓. ตโตจวิตฺวาตุสิเต,

ปุเรอุปฺปชฺชิปุญฺญวา;

รูปาทิทสฐาเนหิ,

อญฺเญเทเวอติกฺกมิ.

๔. จกฺกวาฬสหสฺเสหิ,

ทสหาคมฺมสพฺพโส;

ยาจิโตเทวพฺรหฺมูหิ,

พุทฺธภาวมโนนโต.

๕. วิโลกนานิโสปญฺจ,

วิโลเกตฺวาสิรินฺธโร;

ตโตจวิตฺวามายาย,

อุปฺปชฺชิสากิเยกุเล.

๖. วิสาขปุณฺณเมเสฏฺเฐ,

วิชายิลุมฺพินีวเน;

สีหนาทํปนาเทนฺโต,

สตฺตปาทํคโตตทา.

๘. วิโรจึสุตทากาเส,

ตาโรจนฺททิวากรา;

รตนานิจภูมฏฺฐา,

นานาปุปฺผาจปุปฺผเร.

๘. สีตายนฺติ อวีจคฺคี,

ขุปฺปิปาสาจโสหิตา;

โลกนฺตเรมหาปภา,

อนฺธาปสฺสนฺติตาวเท.

๙. อฆฏฺฏิตาวาทิตานิ,

ตูริยานิจอมฺพเร;

มธุเรนปนาทึสุ,

ยสํสเรนตาวเท.

๑๐. ถุติคีตานิคายนฺตา,

เทวาจกมลาสนา;

สมฺโมเทนฺตาวอฏฺฐํสุ,

พุทฺธงฺกุรสฺสสนฺติเก.

๑๑. กุมาโรจารุธาตีหิ,

โตสิตาราชมนฺทิเร;

วุทฺโธสิสุสุขํเขมํ,

สกฺยกญฺญานมนฺตเร.

๑๒. โสฬสวสฺสิโกสกฺย,

นนฺทโนปิตราสตา;

ราชตฺเตอภิสิตฺโตสิ,

โมเทสิตุวนตฺตเย.

๑๓. นนฺทนานํโสวณฺณ,

วณฺณโสภํยโสธรํ;

โสกาเรสิมเหสิตฺตํ,

โลกเนตฺตรสายนํ.

๑๔. เอกูนตึสเมวสฺเส,

วิสาขปุณฺณเมวเร;

สหเสนายอุยฺยาสิ,

ยาเนนุยฺยานมณฺฑลํ.

๑๕. นิมิตฺเตจตุโรทิสฺวา,

ปุตฺตสฺสจวิชายนํ;

สุตฺวาอุพฺพิคฺคจิตฺเตน,

นรมิตฺถปุเรตหึ.

๑๖. ปจฺจาคมฺมปุรํตมฺหา,

ปตฺโตปาสาทมณฺฑลํ;

นิปฺปชฺชิเทวราชาว,

สยเนโสมหารเห.

๑๗. สุนฺทรีตํปุรกฺขิตฺวา,

นจฺจคีเตนโตสยุํ;

เอวํปิโสนรมิตฺวา,

อาหุนิกฺขมมานโส.

๑๘. ปถมํราหุลํปุตฺตํ,

ปสฺสิตฺวานิกฺขมามหํ;

อิติจินฺติยมาเนโส,

อคาชายานิเวสนํ;

๑๙. ถเปตฺวาปาททุมฺมาเร,

คีวมนฺโตปเวสยํ;

โอโลกยํสปสฺสิตฺถ,

นิปฺปนฺนํตํสมาตรํ.

๒๐. คเณฺหยฺยํตํอปเนตฺวา,

พาหุํเจเทวิยาอหํ;

นทเทนิกฺขโมกาสํ,

ปพุชฺฌิตฺวายโสธรา.

๒๑. พุทฺธปตฺโตวปสฺเสยฺยํ,

ราหุลํอิติจินฺติย;

กณฺฑกํอารุหิตฺวาน,

ตมฺหาฉนฺเนนนิกฺขมิ.

๒๒. ทฺวาราสยาวิวรึสุ,

เทวตาทฺวารมณฺฑลํ;

รตนุกฺกาสหสฺสานิ,

ชาลยึสุมรูตหึ.

๒๓. มานิกฺขมสฺสุสิทฺธตฺถ,

อิโตตฺวํสตฺตเมทิเน;

ภวิสฺสเสจกฺกวตฺตี,

อิตินีวาริปาปิมา.

๒๔. ตคฺฆชานามิตํมาร,

อิธมาติฏฺฐปกฺกม;

อิติมารํ ปลาเปตฺวา,

วิสฺสฏฺโฐโสอภิกฺกมิ.

๒๕. ปตฺวาโนมนทีตีรํ,

ปุนาคเมสิตุรคํ;

ฉนฺนญฺจนครํ พิมฺพา;

เทวิลาปฏิเวทิตุํ.

๒๖. พนฺธิตํยโสธราย,

โมฬึสุคนฺธวาสิตํ;

เฉตฺวาขคฺเคนติเณฺหน,

อุกฺขิปิตฺถตมมฺพเร.

๒๗. อฏฺฐเสฏฺฐปริกฺขาเร,

ธาเรตฺวาพฺรหฺมุนาภเต;

หิตฺวาราชารหํทุสฺสํ,

สมณตฺถมุปาคมิ.

๒๘. กโรนฺโตทุกฺกรํกมฺมํ,

ฉพฺพสฺสานิปรกฺกโม;

โอฬาริกนฺนปาเนหิ;

เทหํยาเปสิฐีติยา.

๒๙. วิสาขปุณฺณเมเหม,

ปาตึปายสปูริตํ;

สุชาตายาภตํคยฺห,

เนรญฺจรมุปาคมิ.

๓๐. เนรญฺจรายตีรมฺหิ,

สุตฺวาปายาสมุตฺตมํ;

ปฏิยตฺถวรมคฺเคน,

โพธิมณฺฑมุปาคมิ.

๓๑. ชยาสเนปลฺลงฺกมฺหิ,

ฐิโตธิฏฺเฐสิธีติมา;

นวีริยํชหิสฺสามิ,

อปตฺโตอิติพุทฺธตํ.

๓๒. เทวินฺโทธมยํสงฺขํ,

เสตจฺฉตฺตํปิตามโห;

ธารยํวาเทนฺโตวีณํ,

ปญฺจสีโขฐิโตตหึ.

๓๓. ถุติคีตานิคายนฺตี,

อฏฺฐาสุํเทวสุนฺทรี;

คเหตฺวาเหมมญฺชูสา,

สุรปุปฺเผหิปูริตา.

๓๔. อนตฺถเมนฺเตสูริเย,

มารเสนํปลาปยี;

อรุณุคฺคมเนกาเล,

ปตฺโตสิพุทฺธตํวรํ.

๓๕. ปฏฺฐานํสมฺมสนฺตสฺส,

นาถสฺสเทหโตสุภา;

ฉพฺพณฺณภานิจฺฉธนฺติ,

วิธาวนฺติ ตหึ ตหึ.

๓๖. นีลานีลาปิตาปีตา,

รตฺตารตฺตาจนิจฺฉเร;

เสตาเสตาจมญฺจิฏฺฐา,

ตมฺหาตมฺหาปภสฺสรา.

๓๗. พุทฺธปตฺโตปิโพเธยฺย,

ธมฺมคมฺภีรตํชิโน;

นิสาเมตฺวานเทเสตุํ,