๔. ราคเปยฺยาลํ

๒๓๑. ‘‘ราคสฺส, ภิกฺขเว, อภิญฺญาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ราคสฺส, ภิกฺขเว, อภิญฺญาย อิเม เทฺว ธมฺมา ภาเวตพฺพา’’ติ.

‘‘ราคสฺส, ภิกฺขเว, ปริญฺญาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ราคสฺส, ภิกฺขเว, ปริญฺญา อิเม เทฺว ธมฺมา ภาเวตพฺพา. ราคสฺส, ภิกฺขเว, ปริกฺขยาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ราคสฺส, ภิกฺขเว, ปริกฺขยา อิเม เทฺว ธมฺมา ภาเวตพฺพา. ราคสฺส, ภิกฺขเว, ปหานาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ราคสฺส, ภิกฺขเว, ปหานา อิเม เทฺว ธมฺมา ภาเวตพฺพา. ราคสฺส, ภิกฺขเว, ขยาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ราคสฺส, ภิกฺขเว, ขยา อิเม เทฺว ธมฺมา ภาเวตพฺพา. ราคสฺส, ภิกฺขเว, วยาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ราคสฺส, ภิกฺขเว, วยา อิเม เทฺว ธมฺมา ภาเวตพฺพา. ราคสฺส, ภิกฺขเว, วิราคาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ราคสฺส, ภิกฺขเว, วิราคา อิเม เทฺว ธมฺมา ภาเวตพฺพา. ราคสฺส, ภิกฺขเว, นิโรธาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ราคสฺส, ภิกฺขเว, นิโรธา อิเม เทฺว ธมฺมา ภาเวตพฺพา. ราคสฺส, ภิกฺขเว, จาคาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ราคสฺส, ภิกฺขเว, จาคา อิเม เทฺว ธมฺมา ภาเวตพฺพา. ราคสฺส, ภิกฺขเว, ปฏินิสฺสคฺคาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ราคสฺส, ภิกฺขเว, ปฏินิสฺสคฺคาย อิเม เทฺว ธมฺมา ภาเวตพฺพา’’ติ.

๒๓๒-๒๔๖. ‘‘โทสสฺส…เป… โมหสฺส… โกธสฺส… อุปนาหสฺส… มกฺขสฺส… ปฬาสสฺส… อิสฺสาย… มจฺฉริยสฺส… มายาย… สาเฐยฺยสฺส… ถมฺภสฺส… สารมฺภสฺส… มานสฺส… อติมานสฺส… มทสฺส… ปมาทสฺส, ภิกฺขเว, อภิญฺญาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ปมาทสฺส, ภิกฺขเว, อภิญฺญา อิเม เทฺว ธมฺมา ภาเวตพฺพา. ปมาทสฺส, ภิกฺขเว, ปริญฺญาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ปมาทสฺส, ภิกฺขเว, ปริญฺญา อิเม เทฺว ธมฺมา ภาเวตพฺพา. ปมาทสฺส, ภิกฺขเว, ปริกฺขยาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ปมาทสฺส, ภิกฺขเว, ปริกฺขยาย อิเม เทฺว ธมฺมา ภาเวตพฺพา. ปมาทสฺส, ภิกฺขเว, ปหานาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ปมาทสฺส, ภิกฺขเว, ปหานา อิเม เทฺว ธมฺมา ภาเวตพฺพา. ปมาทสฺส, ภิกฺขเว, ขยาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ปมาทสฺส, ภิกฺขเว, ขยา อิเม เทฺว ธมฺมา ภาเวตพฺพา. ปมาทสฺส, ภิกฺขเว, วยาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ปมาทสฺส, ภิกฺขเว, วยา อิเม เทฺว ธมฺมา ภาเวตพฺพา. ปมาทสฺส, ภิกฺขเว, วิราคาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ปมาทสฺส, ภิกฺขเว, วิราคา อิเม เทฺว ธมฺมา ภาเวตพฺพา. ปมาทสฺส, ภิกฺขเว, นิโรธาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ปมาทสฺส, ภิกฺขเว, นิโรธา อิเม เทฺว ธมฺมา ภาเวตพฺพา. ปมาทสฺส, ภิกฺขเว, จาคาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ปมาทสฺส, ภิกฺขเว, จาคา อิเม เทฺว ธมฺมา ภาเวตพฺพา. ปมาทสฺส, ภิกฺขเว, ปฏินิสฺสคฺคาย เทฺว ธมฺมา ภาเวตพฺพา. กตเม เทฺว? สมโถ จ วิปสฺสนา จ. ปมาทสฺส, ภิกฺขเว, ปฏินิสฺสคฺคาย อิเม เทฺว ธมฺมา ภาเวตพฺพา’’ติ.

(อิทมโวจ ภควา. อตฺตมนา เต ภิกฺขู ภควโต ภาสิตํ อภินนฺทุนฺติ.) [( ) เอตฺถนฺตเร ปาโฐ สี. สฺยา. กํ. ปี. โปตฺถเกสุ นตฺถิ]

ราคเปยฺยาลํ นิฏฺฐิตํ.