๔. จตุตฺถวคฺโค

๒๑๙. ‘‘เอตทคฺคํ, ภิกฺขเว, มม สาวกานํ ภิกฺขูนํ พหุสฺสุตานํ ยทิทํ อานนฺโท’’.

๒๒๐. … สติมนฺตานํ ยทิทํ อานนฺโท.

๒๒๑. … คติมนฺตานํ ยทิทํ อานนฺโท.

๒๒๒. … ธิติมนฺตานํ ยทิทํ อานนฺโท.

๒๒๓. … อุปฏฺฐากานํ ยทิทํ อานนฺโท.

๒๒๔. … มหาปริสานํ ยทิทํ อุรุเวลกสฺสโป.

๒๒๕. … กุลปฺปสาทกานํ ยทิทํ กาฬุทายี.

๒๒๖. … อปฺปาพาธานํ ยทิทํ พากุโล [พกฺกุโล (สี. สฺยา. กํ. ปี.)].

๒๒๗. … ปุพฺเพนิวาสํ อนุสฺสรนฺตานํ ยทิทํ โสภิโต.

๒๒๘. … วินยธรานํ ยทิทํ อุปาลิ.

๒๒๙. … ภิกฺขุโนวาทกานํ ยทิทํ นนฺทโก.

๒๓๐. … อินฺทฺริเยสุ คุตฺตทฺวารานํ ยทิทํ นนฺโท.

๒๓๑. … ภิกฺขุโอวาทกานํ ยทิทํ มหากปฺปิโน.

๒๓๒. … เตโชธาตุกุสลานํ ยทิทํ สาคโต.

๒๓๓. … ปฏิภาเนยฺยกานํ ยทิทํ ราโธ.

๒๓๔. … ลูขจีวรธรานํ ยทิทํ โมฆราชาติ.

วคฺโค จตุตฺโถ.