๑. ปฐมวคฺโค

๑๘๘. ‘‘เอตทคฺคํ, ภิกฺขเว, มม สาวกานํ ภิกฺขูนํ รตฺตญฺญูนํ ยทิทํ อญฺญาสิโกณฺฑญฺโญ’’ [อญฺญาตโกณฺฑญฺโญติ (ก.), อญฺญาโกณฺฑญฺโญ (สี. สฺยา. กํ. ปี.)].

๑๘๙. … มหาปญฺญานํ ยทิทํ สาริปุตฺโต.

๑๙๐. … อิทฺธิมนฺตานํ ยทิทํ มหาโมคฺคลฺลาโน.

๑๙๑. … ธุตวาทานํ [ธุตงฺคธรานํ (กตฺถจิ)] ยทิทํ มหากสฺสโป.

๑๙๒. … ทิพฺพจกฺขุกานํ ยทิทํ อนุรุทฺโธ.

๑๙๓. … อุจฺจากุลิกานํ ยทิทํ ภทฺทิโย กาฬิโคธายปุตฺโต.

๑๙๔. … มญฺชุสฺสรานํ ยทิทํ ลกุณฺฑก [ลกุณฺฏก (สฺยา. กํ.)] ภทฺทิโย.

๑๙๕. … สีหนาทิกานํ ยทิทํ ปิณฺโฑลภารทฺวาโช.

๑๙๖. … ธมฺมกถิกานํ ยทิทํ ปุณฺโณ มนฺตาณิปุตฺโต.

๑๙๗. … สํขิตฺเตน ภาสิตสฺส วิตฺถาเรน อตฺถํ วิภชนฺตานํ ยทิทํ มหากจฺจาโนติ.

วคฺโค ปฐโม.