౩. ఛేదనకాది

౩౩౭. కతి ఛేదనకాని? కతి భేదనకాని? కతి ఉద్దాలనకాని? కతి అనఞ్ఞపాచిత్తియాని? కతి భిక్ఖుసమ్ముతియో? కతి సామీచియో? కతి పరమాని?

కతి జానన్తి పఞ్ఞత్తా, బుద్ధేనాదిచ్చబన్ధునా.

ఛ ఛేదనకాని. ఏకం భేదనకం. ఏకం ఉద్దాలనకం. చత్తారి అనఞ్ఞపాచిత్తియాని. చతస్సో భిక్ఖుసమ్ముతియో. సత్త సామీచియో. చుద్దస పరమాని.

సోదస [సోళస (సీ. స్యా.) అట్ఠకథా ఓలోకేతబ్బా] జానన్తి పఞ్ఞత్తా, బుద్ధేనాదిచ్చబన్ధునా.