౧. పరిమణ్డలవగ్గో

౧౭౫. అనాదరియం పటిచ్చ పురతో వా పచ్ఛతో వా ఓలమ్బేన్తో నివాసేన్తో కతి ఆపత్తియో ఆపజ్జతి? అనాదరియం పటిచ్చ పురతో వా పచ్ఛతో వా ఓలమ్బేన్తో నివాసేన్తో ఏకం ఆపత్తిం ఆపజ్జతి. దుక్కటం – అనాదరియం పటిచ్చ పురతో వా పచ్ఛతో వా ఓలమ్బేన్తో నివాసేన్తో ఇమం ఏకం ఆపత్తిం ఆపజ్జతి.

…అనాదరియం పటిచ్చ పురతో వా పచ్ఛతో వా ఓలమ్బేన్తో పారుపన్తో ఏకం ఆపత్తిం ఆపజ్జతి. దుక్కటం….

…అనాదరియం పటిచ్చ కాయం వివరిత్వా అన్తరఘరే గచ్ఛన్తో ఏకం ఆపత్తిం ఆపజ్జతి. దుక్కటం….

…అనాదరియం పటిచ్చ కాయం వివరిత్వా అన్తరఘరే నిసీదన్తో ఏకం ఆపత్తిం ఆపజ్జతి. దుక్కటం….

…అనాదరియం పటిచ్చ హత్థం వా పాదం వా కీళాపేన్తో అన్తరఘరే గచ్ఛన్తో ఏకం ఆపత్తిం ఆపజ్జతి. దుక్కటం….

…అనాదరియం పటిచ్చ హత్థం వా పాదం వా కీళాపేన్తో అన్తరఘరే నిసీదన్తో ఏకం ఆపత్తిం ఆపజ్జతి. దుక్కటం….

…అనాదరియం పటిచ్చ తహం తహం ఓలోకేన్తో అన్తరఘరే గచ్ఛన్తో ఏకం ఆపత్తిం ఆపజ్జతి. దుక్కటం….

…అనాదరియం పటిచ్చ తహం తహం ఓలోకేన్తో అన్తరఘరే నిసీదన్తో ఏకం ఆపత్తిం ఆపజ్జతి. దుక్కటం….

…అనాదరియం పటిచ్చ ఉక్ఖిత్తకాయ అన్తరఘరే గచ్ఛన్తో ఏకం ఆపత్తిం ఆపజ్జతి. దుక్కటం….

…అనాదరియం పటిచ్చ ఉక్ఖిత్తకాయ అన్తరఘరే నిసీదన్తో ఏకం ఆపత్తిం ఆపజ్జతి. దుక్కటం….

పరిమణ్డలవగ్గో పఠమో.