౩. విపత్తివారో

౨౫౧. కాయసంసగ్గం సాదియనపచ్చయా ఆపత్తియో చతున్నం విపత్తీనం కతి విపత్తియో భజన్తి? కాయసంసగ్గం సాదియనపచ్చయా ఆపత్తియో చతున్నం విపత్తీనం ద్వే విపత్తియో భజన్తి – సియా సీలవిపత్తిం, సియా ఆచారవిపత్తిం…పే… దధిం విఞ్ఞాపేత్వా భుఞ్జనపచ్చయా ఆపత్తియో చతున్నం విపత్తీనం కతి విపత్తియో భజన్తి? దధిం విఞ్ఞాపేత్వా భుఞ్జనపచ్చయా ఆపత్తియో చతున్నం విపత్తీనం ఏకం విపత్తిం భజన్తి – ఆచారవిపత్తిం.

విపత్తివారో నిట్ఠితో తతియో.