౪. సఙ్గహవారో

౨౪౨. అవస్సుతా భిక్ఖునియా అవస్సుతస్స పురిసపుగ్గలస్స కాయసంసగ్గం సాదియన్తియా ఆపత్తియో సత్తన్నం ఆపత్తిక్ఖన్ధానం కతిహి ఆపత్తిక్ఖన్ధేహి సఙ్గహితా? అవస్సుతాయ భిక్ఖునియా అవస్సుతస్స పురిసపుగ్గలస్స కాయసంసగ్గం సాదియన్తియా ఆపత్తియో సత్తన్నం ఆపత్తిక్ఖన్ధానం తీహి ఆపత్తిక్ఖన్ధేహి సఙ్గహితా – సియా పారాజికాపత్తిక్ఖన్ధేన, సియా థుల్లచ్చయాపత్తిక్ఖన్ధేన, సియా దుక్కటాపత్తిక్ఖన్ధేన…పే….

దధిం విఞ్ఞాపేత్వా భుఞ్జన్తియా ఆపత్తియో సత్తన్నం ఆపత్తిక్ఖన్ధానం కతిహి ఆపత్తిక్ఖన్ధేహి సఙ్గహితా? దధిం విఞ్ఞాపేత్వా భుఞ్జన్తియా ఆపత్తియో సత్తన్నం ఆపత్తిక్ఖన్ధానం ద్వీహి ఆపత్తిక్ఖన్ధేహి సఙ్గహితా – సియా పాటిదేసనీయాపత్తిక్ఖన్ధేన, సియా దుక్కటాపత్తిక్ఖన్ధేన.

సఙ్గహవారో నిట్ఠితో చతుత్థో.