౧౦౪. గన్తబ్బవారో

౧౮౨. గన్తబ్బో, భిక్ఖవే, తదహుపోసథే సభిక్ఖుకా ఆవాసా సభిక్ఖుకో ఆవాసో, యత్థస్సు భిక్ఖూ సమానసంవాసకా, యం జఞ్ఞా – ‘‘సక్కోమి అజ్జేవ గన్తు’’న్తి. గన్తబ్బో, భిక్ఖవే, తదహుపోసథే సభిక్ఖుకా ఆవాసా సభిక్ఖుకో అనావాసో…పే… సభిక్ఖుకో ఆవాసో వా అనావాసో వా, యత్థస్సు భిక్ఖూ సమానసంవాసకా, యం జఞ్ఞా – ‘‘సక్కోమి అజ్జేవ గన్తు’’న్తి.

గన్తబ్బో, భిక్ఖవే, తదహుపోసథే సభిక్ఖుకా అనావాసా సభిక్ఖుకో ఆవాసో…పే… సభిక్ఖుకో అనావాసో…పే… సభిక్ఖుకో ఆవాసో వా అనావాసో వా, యత్థస్సు భిక్ఖూ సమానసంవాసకా, యం జఞ్ఞా – ‘‘సక్కోమి అజ్జేవ గన్తు’’న్తి.

గన్తబ్బో, భిక్ఖవే, తదహుపోసథే సభిక్ఖుకా ఆవాసా వా అనావాసా వా సభిక్ఖుకో ఆవాసో…పే… సభిక్ఖుకో అనావాసో…పే… సభిక్ఖుకో ఆవాసో వా అనావాసో వా, యత్థస్సు భిక్ఖూ సమానసంవాసకా, యం జఞ్ఞా – ‘‘సక్కోమి అజ్జేవ గన్తు’’న్తి.

గన్తబ్బవారో నిట్ఠితో.