౫. రూపధాతుకథావణ్ణనా

౫౧౫-౫౧౬. రూపధాతూతి వచనతోతి ‘‘కామధాతురూపధాతుఅరూపధాతూ’’తి ఏత్థ రూపధాతూతి వుత్తత్తా. రూపీధమ్మేహేవాతి రుప్పనసభావేహియేవ ధమ్మేహి. ‘‘తయోమే భవా’’తిఆదినా పరిచ్ఛిన్నాతి తయోమే భవా, తిస్సో ధాతుయోతి చ ఏవం పరిచ్ఛిన్నా. ‘‘ధాతుయా ఆగతట్ఠానే భవేన పరిచ్ఛిన్దితబ్బం, భవస్స ఆగతట్ఠానే ధాతుయా పరిచ్ఛిన్దితబ్బ’’న్తి హి వుత్తం, తస్మా కామరూపారూపావచరధమ్మావ తంతంభుమ్మభావేన పరిచ్ఛిన్నా ఏవం వుత్తా.

రూపధాతుకథావణ్ణనా నిట్ఠితా.