౧. పరూపహారవణ్ణనా

౩౦౭. విక్ఖమ్భితరాగావ అవిక్ఖమ్భితరాగానం అధిమానికతాయ అసమ్భవతోతి యావ అధిమానికం, తావ సమ్పజానా నిద్దం ఓక్కమన్తీతి అధిప్పాయో. ‘‘అధిమానికాన’’న్తి ఇదం భూతపుబ్బగతియా వుత్తన్తి ఆహ ‘‘అధిమానికపుబ్బా అధిప్పేతా సియు’’న్తి.

౩౦౮. యం విమతిగాహకారణం వుచ్చమానం, తం ‘‘హన్ద హీ’’తి పరం జోతేతీతి అధిప్పాయేనాహ ‘‘కారణత్థేతి యుత్త’’న్తి. విమతిగాహస్స పన నిచ్ఛితతం ‘‘హన్ద హీ’’తి పరం జోతేతీతి వుత్తం ‘‘వచసాయత్థే’’తి.

పరూపహారవణ్ణనా నిట్ఠితా.