౫-౭. తిస్సోపికథావణ్ణనా

౮౯౮-౯౦౦. అరహత్తప్పత్తిపి గబ్భేయేవ అత్థీతి మఞ్ఞతి. సత్తవస్సికా హి సోపాకసామణేరాదయో అరహత్తం పత్తా. సత్తవస్సికోపి గబ్భో అత్థీతి పరవాదినో అధిప్పాయో. ఆకాసేన గచ్ఛన్తో వియ సుపినం ఆకాససుపినం. తం అభిఞ్ఞానిబ్బత్తం మఞ్ఞతీతి నిదస్సనం కత్వా దస్సేన్తో ఆహ ‘‘ఆకాసగమనాదిఅభిఞ్ఞా వియా’’తి. హేట్ఠిమానం చతున్నం వా మగ్గానం అధిగమేన ధమ్మాభిసమయో అగ్గఫలాధిగమేన అరహత్తప్పత్తి చ సుపినే అత్థీతి మఞ్ఞతీతి యోజనా.

తిస్సోపికథావణ్ణనా నిట్ఠితా.