౧౪. అభిఞ్ఞానుయోగవణ్ణనా

౧౯౩. వికుబ్బతీతి ఏత్థ ఇతి-సద్దో ఆదిఅత్థో, పకారత్థో వా. తేన ‘‘దిబ్బాయ సోతధాతుయా సద్దం సుణాతీ’’తిఆదికం సఙ్గణ్హాతి. అభిఞ్ఞానుయోగో దట్ఠబ్బోతి యోజనా. తదభిఞ్ఞావతోతి ఆసవక్ఖయాభిఞ్ఞావతో. అరహతో సాధనన్తి అరహతో సచ్చికట్ఠపరమత్థేన పుగ్గలత్తాభావసాధనం. తబ్భావస్సాతి అరహత్తస్స. అరహత్తధారానఞ్హి ఖన్ధా నామ పుగ్గలత్తం తస్సపి హోతీతి.

అభిఞ్ఞానుయోగవణ్ణనా నిట్ఠితా.