౯. తతియసఞ్ఞావేదయితకథావణ్ణనా

౭౩౨. యదిపి సేసం నామ గహితతో అఞ్ఞం, తథాపి పకరణపరిచ్ఛిన్నమేవేత్థ తం గయ్హతీతి దస్సేన్తో ‘‘యేసం…పే… అధిప్పాయో’’తి వత్వా పున అనవసేసమేవ సఙ్గణ్హన్తో ‘‘అసఞ్ఞసత్తానమ్పి చా’’తిఆదిమాహ. తత్థ సబ్బసత్తే సన్ధాయాతి అధిప్పాయోతి యోజనా. పాణిసమ్ఫస్సాపి కమన్తీతిఆదికం సరీరపకతీతి సమ్బన్ధో.

౭౩౩-౭౩౪. పఞ్చహి విఞ్ఞాణేహి న చవతి, న ఉపపజ్జతీతి వాదం పరవాదీ నానుజానాతీతి ఆహ ‘‘సుత్త…పే… వత్తబ్బ’’న్తి.

తతియసఞ్ఞావేదయితకథావణ్ణనా నిట్ఠితా.