౩. రూపంసారమ్మణన్తికథావణ్ణనా

౫౫౨-౫౫౩. ‘‘తదప్పతిట్ఠం అనారమ్మణ’’న్తిఆదీసు పచ్చయత్థో ఆరమ్మణ-సద్దో. ‘‘రూపాయతనం చక్ఖువిఞ్ఞాణధాతుయా తంసమ్పయుత్తకానఞ్చ ధమ్మానం ఆరమ్మణపచ్చయేన పచ్చయో’’తిఆదీసు ఓలుబ్భట్ఠోతి ఆహ ‘‘పచ్చయట్ఠో ఓలుబ్భట్ఠో’’తి. ఏవం విభాగే విజ్జమానేతి తత్థ పచ్చయాయత్తవుత్తితా పచ్చయట్ఠో, దణ్డరజ్జుఆది వియ దుబ్బలస్స చిత్తచేతసికానం ఆలమ్బితబ్బతాయ ఉపత్థమ్భనట్ఠో ఓలుబ్భట్ఠో. విసేసాభావం పచ్చయభావసామఞ్ఞేన కప్పేత్వా వా.

రూపంసారమ్మణన్తికథావణ్ణనా నిట్ఠితా.