౨. పచ్చనీకానులోమవణ్ణనా

౭-౧౦. అఞ్ఞేనాతి సమ్ముతిసచ్చభూతేన. పరస్సాతి సకవాదినో. సో హి పరవాదినా పరో నామ హోతి. పటిఞ్ఞాపటిక్ఖేపానం భిన్నవిసయత్తా ‘‘అవిరోధితత్తా’’తి వుత్తం. అభిన్నాధికరణం వియ హి అభిన్నవిసయమేవ విరుద్ధం నామ సియా, న ఇతరన్తి అధిప్పాయో. తమేవత్థం విభావేతుం ‘‘న హి…పే… ఆపజ్జతీ’’తి ఆహ. యది ఏవం కథమిదం నిగ్గహట్ఠానం జాతన్తి ఆహ ‘‘అత్తనో పనా’’తిఆది. తేన పటిఞ్ఞాన్తరం నామ అఞ్ఞమేవేతం నిగ్గహట్ఠానన్తి దస్సేతి.

పచ్చనీకానులోమవణ్ణనా నిట్ఠితా.

సుద్ధసచ్చికట్ఠవణ్ణనా నిట్ఠితా.