౭. సత్తకనిద్దేసవణ్ణనా

౨౦౩. కుసలేసు ధమ్మేసూతి ఆధారే భుమ్మం, న విసయేతి దస్సేన్తో ‘‘కుసలేసు ధమ్మేసు అన్తోగధా’’తి ఆహ. ఇదాని విసయలక్ఖణం ఏతం భుమ్మన్తి దస్సేన్తో ‘‘బోధిపక్ఖియధమ్మేసు వా’’తిఆదిమాహ. ‘‘తదుపకారతాయా’’తి ఇదం కుసలేసు ధమ్మేసు సాధేతబ్బేసూతి ఇమమత్థం సన్ధాయ వుత్తం. ఉమ్ముజ్జనపఞ్ఞాయాతి ఉమ్ముజ్జాపనపఞ్ఞాయ, ఉమ్ముజ్జనాకారేన వా పవత్తపఞ్ఞాయ. తేనేవాతి ఉమ్ముజ్జనమత్తత్తా ఏవ. యథా హి ఞాణుప్పాదో సంకిలేసపక్ఖతో ఉమ్ముజ్జనం, ఏవం సద్ధుప్పాదోపీతి ఆహ ‘‘సద్ధాసఙ్ఖాతమేవ ఉమ్ముజ్జన’’న్తి. చిత్తవారోతి చిత్తప్పబన్ధవారో. పచ్చేకం ఠానవిపస్సనాపతరణపతిగాధప్పత్తినిట్ఠత్తా తేసం పుగ్గలానం ‘‘అనేకే పుగ్గలా’’తి వుత్తం. కస్మా? తేనత్తభావేన అరహత్తస్స అగ్గహణతో. తతియపుగ్గలాదిభావన్తి ఉమ్ముజ్జిత్వా ఠితపుగ్గలాదిభావం.

సత్తకనిద్దేసవణ్ణనా నిట్ఠితా.