౫. పాటిదేసనీయకణ్డం (భిక్ఖునీవిభఙ్గవణ్ణనా)
పాటిదేసనీయసిక్ఖాపదవణ్ణనా
౧౨౨౮. పాటిదేసనీయా నామ యే అట్ఠ ధమ్మా సఙ్ఖేపేనేవ సఙ్గహం ఆరుళ్హాతి సమ్బన్ధో. పాళివినిముత్తకేసూతి పాళియం అనాగతేసు సప్పిఆదీసు.
పాటిదేసనీయసిక్ఖాపదవణ్ణనా నిట్ఠితా.
పాటిదేసనీయకణ్డం నిట్ఠితం.
యే పన పఞ్చసత్తతి సేఖియా ధమ్మా ఉద్దిట్ఠా, యే చ తేసం అనన్తరా సత్తాధికరణవ్హయా ధమ్మా ఉద్దిట్ఠాతి సమ్బన్ధో. తత్థ తేసన్తి తేసం సేఖియానం. సత్తాధికరణవ్హయాతి సత్తాధికరణసమథసఙ్ఖాతా. తం అత్థవినిచ్ఛయం తాదిసంయేవ యస్మా విదూ వదన్తీతి అత్థో.
యథా నిట్ఠితాతి సమ్బన్ధో. సబ్బాసవపహం మగ్గన్తి సబ్బాసవవిఘాతకం అరహత్తమగ్గం పత్వా ససన్తానే ఉప్పాదేత్వా. పస్సన్తు నిబ్బుతిన్తి మగ్గఞాణలోచనేన నిబ్బానం సచ్ఛికరోన్తు, పప్పోన్తూతి వా పాఠో. తత్థ నిబ్బుతిన్తి ఖన్ధపరినిబ్బానం గహేతబ్బం.
ఇతి సమన్తపాసాదికాయ వినయట్ఠకథాయ సారత్థదీపనియం.
భిక్ఖునీవిభఙ్గవణ్ణనా నిట్ఠితా.
ఉభతోవిభఙ్గట్ఠకథావణ్ణనా నిట్ఠితా.
పాచిత్తియవణ్ణనా నిట్ఠితా.
నమో తస్స భగవతో అరహతో సమ్మాసమ్బుద్ధస్స