౭. దుతియఅవిజ్జాపహానసుత్తవణ్ణనా

౮౦. అనిచ్చాదివసేన అభినివిసనం అభినివేసో, సో ఏవ ధమ్మసభావం అతిక్కమిత్వా పరతో ఆమసనతో పరామాసో, సో ఏవ గాహో. తేన అభినివేసపరామాసగ్గాహేన గణ్హితుం న యుత్తా అనిచ్చాదిసభావత్తా. సఙ్ఖారా ఏవ పవత్తియా కారణభావతో సఙ్ఖారనిమిత్తాని. యో సఙ్ఖారేసు అపరిఞ్ఞాతాభినివేసేన పస్సితబ్బో అత్తాకారో, సో న హోతీతి అఞ్ఞో అనత్తాకారో, తతో అఞ్ఞతో పస్సతి. పరిఞ్ఞాతాభినివేసోతి తీరణపరిఞ్ఞాయ పరిచ్ఛిజ్జ ఞాతమిచ్ఛాభినివేసో. పరిఞ్ఞాతాభినివేసోతి వా పరిఞ్ఞాతవిపస్సనాభినివేసో. విపస్సనాతి అరూపసత్తకవసేన విపస్సనాయ పరిజానితబ్బా.

దుతియఅవిజ్జాపహానసుత్తవణ్ణనా నిట్ఠితా.