౫. ఉప్పలవణ్ణాసుత్తవణ్ణనా

౧౬౬. అగ్గతో పట్ఠాయాతి సబ్బఅగ్గతో పభుతి యావ మూలా అన్తరాయుత్తం సమ్మదేవ పుప్ఫితం సాలరుక్ఖం. వణ్ణధాతుసీసేన వణ్ణధాతుసమ్పన్నం దుతియం భిక్ఖునిం వదతీతి ఆహ ‘‘తయా సదిసా అఞ్ఞా భిక్ఖునీ నత్థీ’’తి. పఖుమసీసేన అక్ఖిభణ్డం వుచ్చతీతి ఆహ ‘‘పఖుమన్తరికాయన్తి ద్విన్నం అక్ఖీనం మజ్ఝే’’తి. నాసవంసేతి నాసవంసమూలే. ‘‘న పస్ససీ’’తి వత్వా అదస్సనే కారణం ఆహ ‘‘వసీభూతమ్హీ’’తి.

ఉప్పలవణ్ణాసుత్తవణ్ణనా నిట్ఠితా.