౧. ఛేత్వాసుత్తవణ్ణనా

౭౧. వధిత్వాతి హన్త్వా వినాసేత్వా. అపరిదయ్హమానత్తాతి అపీళియమానత్తా. వినట్ఠదోమనస్సత్తా న సోచతి చేతోదుక్ఖదుక్ఖాభావతో. విసం నామ దుక్ఖం అనిట్ఠభావతో, తస్స మూలకారణం కోధో అనిట్ఠఫలత్తాతి ఆహ ‘‘విసమూలస్సాతి దుక్ఖవిపాకస్సా’’తి. అక్కుట్ఠస్సాతి అక్కోసాపరాధస్స. అక్కోసపహారత్థసమ్బన్ధేన హి ‘‘కుద్ధస్సా’’తి ఉపయోగత్థే సమ్పదానవచనం. సుఖం ఉప్పజ్జతి కోధం నస్సతి. సుఖుప్పత్తిం సన్ధాయ ఏస కోధో ‘‘మధురగ్గో’’తి వుత్తో, సుఖావసానోతి అత్థో.

ఛేత్వాసుత్తవణ్ణనా నిట్ఠితా.