౩. మిత్తసుత్తవణ్ణనా

౫౩. సహ అత్థేన వత్తతీతి సత్థో, భణ్డమూలం గహేత్వా వాణిజ్జవసేన దేసన్తరాదీసు విచరణకజనసమూహో. తేనాహ ‘‘సద్ధించరో’’తి, సహచరణకోతి అత్థో. మిత్తన్తి సినేహయోగేన మిత్తకిచ్చయుత్తం. ఇధాధిప్పేతప్పకారం దస్సేతుం ‘‘రోగే ఉప్పన్నే’’తిఆది వుత్తం. తథారూపేతి జిగుచ్ఛనీయే, దుత్తికిచ్ఛే వా. యథా అసణ్ఠితానం సణ్ఠాపనవసేన పవసతో పురిసస్స భోగబ్యసనే నాథతా, ఏవం పుత్తసినేహవసేన పుత్తస్స మాతుయా అన్తోగేహే నాథతాతి వుత్తం ‘‘మాతా మిత్తం సకే ఘరే’’తి. అత్థజాతస్సాతి ఉపట్ఠితపయోజనస్సాతి అత్థోతి ఆహ ‘‘ఉప్పన్నకిచ్చస్సా’’తి. సమ్పరాయహితన్తి సమ్పరాయే హితావహం.

మిత్తసుత్తవణ్ణనా నిట్ఠితా.