౧౩. సోధనహారవణ్ణనా

‘‘సబ్బధమ్మమూలపరియాయం వో, భిక్ఖవే…పే… ఇధ, భిక్ఖవే, అస్సుతవా…పే… పథవిం పథవితో సఞ్జానాతీ’’తి ఆరమ్భో. ‘‘పథవిం పథవియా సఞ్ఞత్వా పథవిం మఞ్ఞతీ’’తి పదసుద్ధి, నో ఆరమ్భసుద్ధి. తథా ‘‘పథవియా మఞ్ఞతి పథవితో మఞ్ఞతి పథవిం మేతి మఞ్ఞతి పథవిం అభినన్దతీ’’తి పదసుద్ధి, నో ఆరమ్భసుద్ధి. ‘‘తం కిస్స హేతు అపరిఞ్ఞాతం తస్సాతి వదామీ’’తి పదసుద్ధి చేవ ఆరమ్భసుద్ధి చ. సేసవారేసుపి ఏసేవ నయోతి. అయం సోధనో హారో.