౪౭. సుద్ధినిద్దేసో

సుద్ధీతి –

౪౫౫. దేసనా సంవరో ఏట్ఠిపచ్చవేక్ఖణ భేదతో;

సుద్ధీ చతుబ్బిధా పాతిమోక్ఖసంవరసమ్మతం;

దేసనాయ విసుద్ధత్తా, దేసనాసుద్ధి వుచ్చతి.

౪౫౬. ‘‘న పునేవం కరిస్స’’న్తి, చిత్తాధిట్ఠానసంవరా;

వుత్తో సంవరసుద్ధీతి, సుజ్ఝతిన్ద్రియసంవరో.

౪౫౭. పహాయానేసనం ధమ్మేనుప్పాదేన్తస్స ఏట్ఠియా;

సుద్ధత్తా ఏట్ఠిసుద్ధీతి, వుత్తమాజీవనిస్సితం.

౪౫౮. యోనిసో పటిసఙ్ఖాయ, చీవరం పటిసేవతి;

ఏవమాదియథావుత్త-పచ్చవేక్ఖణసుజ్ఝనా;

పచ్చవేక్ఖణసుద్ధీతి, వుత్తం పచ్చయనిస్సితన్తి.