౩౬. భేసజ్జనిద్దేసో

భేసజ్జన్తి –

౨౭౪. జనస్స కాతుం భేసజ్జం, దాతుం వత్తుం న లబ్భతి;

భిక్ఖాచరియవిఞ్ఞత్తి, సకేహి సహధమ్మినం.

౨౭౫. పితూనం తదుపట్ఠాకభిక్ఖునిస్సితభణ్డునం;

లబ్భం భేసజ్జకరణం, వేయ్యావచ్చకరస్స చ.

౨౭౬. మహాచూళపితామాతాభాతాభగినిఆదినం;

తేసం సకేనత్తనియే, దాతబ్బం తావకాలికం.

౨౭౭. కులదూసనవిఞ్ఞత్తి, భేసజ్జకరణాది హి;

మాతాపితూహి సమ్బన్ధఞాతకేసు న రూహతి.

౨౭౮. పిణ్డపాతో అనామట్ఠో, మాతాదీనమవారితో;

ఛన్నం దామరికచోరస్స, దాతుమిస్సరియస్స చ.

౨౭౯. తేసం సుత్తోదకేహేవ, పరిత్తం కయిరా నత్తనో;

భణితబ్బం భణాపేన్తే, పరిత్తం సాసనోగధం.

౨౮౦. సీలం ధమ్మం పరిత్తం వా, ఆగన్త్వా దేతు భాసతు;

దాతుం వత్తుఞ్చ లబ్భతి, గన్త్వా కేనచి పేసితోతి.