౩౩. కాయబన్ధననిద్దేసో

కాయబన్ధనన్తి –

౨౩౫. అకాయబన్ధనో గామం, దుక్కటం పవిసేయ్య చే;

బన్ధేయ్య యత్థ సరతి, తత్థేవాసతియా గతో.

౨౩౬. పట్టికా సూకరన్తన్తి, దువిధం కాయబన్ధనం;

దుస్సపట్టో చ రజ్జు చ, ఏకా తదనులోమికా.

౨౩౭. మచ్ఛకణ్టకఖజ్జూరీ-పత్తా మట్ఠా చ పట్టికా;

లబ్భా దసా చతస్సోపి, అన్తే దిగుణసుత్తకం.

౨౩౮. మాలాదిం కక్కటచ్ఛాదిం, దస్సేత్వా గుణసుత్తక;

కోట్టితా కుఞ్జరచ్ఛాదిం, పట్టికా న చ కప్పతి.

౨౩౯. ఘటకం మకరముఖాదిం, న కప్పన్తి దసాముఖే;

ఉభన్తే ఘటకా లేఖా, విధే అఞ్ఞఞ్చ చిత్తకం.

౨౪౦. దేడ్డుభకఞ్చ మురజం, మద్దవీణం కలాబుకం;

న కప్పన్తి దసాసు ద్వే, మజ్ఝిమాయేవ కప్పరే.

౨౪౧. వేళుదన్తవిసాణట్ఠికట్ఠలాఖాఫలామయా;

సఙ్ఖనాభిమయా సుత్తనళలోహమయాపి చ;

విధా కప్పన్తి కప్పియా, గణ్ఠియో చాపి తమ్మయాతి.

పఠమభాణవారం నిట్ఠితం.