౨౯. మిచ్ఛాజీవవివజ్జనానిద్దేసో

మిచ్ఛాజీవవివజ్జనాతి –

౨౦౯. దారుం వేళుం ఫలం పుప్ఫం, చుణ్ణం న్హానముఖోదకం;

మత్తికాదన్తకట్ఠాదిం, న దదే కులసఙ్గహా.

౨౧౦. పారిభటకతాముగ్గ-సూప్యతావత్థువిజ్జయా;

పహేణదూతకమ్మేన, జఙ్ఘపేసనియేన వా.

౨౧౧. అనుప్పదానప్పటిపిణ్డ-వేజ్జకమ్మేన వా పన;

నాఞ్ఞేన వాపి సమ్బుద్ధప్పటికుట్ఠేన జీవయే.

౨౧౨. విఞ్ఞత్తినేసనాభూతుల్లపనాకుహనాదిహి;

కులదూసాదినుప్పన్నపచ్చయే పరివజ్జయేతి.