౫. అఞ్ఞచేతాపనసిక్ఖాపదవణ్ణనా

పఞ్చమే అఞ్ఞం చేతాపేత్వాతి అత్తనో కప్పియభణ్డేన ‘‘ఇదం నామ ఆహరా’’తి అఞ్ఞం పరివత్తాపేత్వా. అఞ్ఞం చేతాపేయ్యాతి ‘‘ఏవం మే ఇదం దత్వా అఞ్ఞమ్పి ఆహరిస్సతీ’’తి మఞ్ఞమానా ‘‘న మే ఇమినా అత్థో, ఇదం నామ మే ఆహరా’’తి తతో అఞ్ఞం చేతాపేయ్య. తస్సా చేతాపనప్పయోగే దుక్కటం, పటిలాభేన తేన వా అఞ్ఞేన వా మూలేన ఆహటం నిస్సగ్గియం హోతి, సేసం చతుత్థసదిసమేవాతి.

అఞ్ఞచేతాపనసిక్ఖాపదవణ్ణనా నిట్ఠితా.