(౬.) ఛక్కనిద్దేసవణ్ణనా

౮౦౫. విసుద్ధిభావం దస్సేన్తో ‘‘దూర…పే… రమ్మణాయా’’తి ఆహ. సోతధాతువిసుద్ధీతి చ చిత్తచేతసికా ధమ్మా వుత్తాతి తత్థ ఞాణం సోతధాతువిసుద్ధియా ఞాణం. ‘‘చేతోపరియఞాణ’’న్తి ఇదమేవ అత్థవసేన ‘‘పరచిత్తే ఞాణ’’న్తి ఉద్ధటన్తి దట్ఠబ్బం. చుతూపపాతఞాణస్స దిబ్బచక్ఖుఞాణేకదేసత్తా ‘‘వణ్ణధాతుఆరమ్మణా’’తి వుత్తం. ముద్ధప్పత్తేన చుతూపపాతఞాణసఙ్ఖాతేన దిబ్బచక్ఖుఞాణేన సబ్బం దిబ్బచక్ఖుఞాణన్తి వుత్తన్తి దట్ఠబ్బం.

ఛక్కనిద్దేసవణ్ణనా నిట్ఠితా.